DILI - Deskonfia Komandu Operasaun Konjunta (KOK) tiru mate Luis Ramos iha Postu Administrativu Baguia, Munisipiu Baucau. Ba problema nee Ministeriu Publiku oras nee hein Informasaun husi komandu operasaun konjunta, tamba prosesu investigasaun komesa lao ona.
Tuir Prokurador Jeral Republika Jose Ximenes katak Ministeriu Publiku autoriza ona atu halo autopsia ba mate isin, neebe hein rejultadu no prosesu Investigasuan mak sei hatene kauza husi kazu Luis Ramos nia mate.
Ministeriu Publiku autoriza tiha ona atu halo autopsia maibe too ohin loron ami seidauk simu inforasaun ruma husi komandu operasaun konjuta ba kazu ida,” dehan Jose ba Jornalista Segunda (06/07/2015) hafoin hasoru malu ho Prezidente Republika Taur Matan Ruak.
Nia hatete Ministeriu Publiku autoriza autopsia tiha ona mate isin iha semena kotuk, kuandu rejultadu autopsia nia mate tamba omesidu, forsa ou kualker ema neebe mak halo tenki toma konta labele ema mate laiha ema ida la toma konta krime nee.
Iha fatin ketak Deputadu Bankada PD, Virgilio Hornai hatete, sirkuntasia operasaun nee nia konsekuensia mak nee, bele peturba buat ruma liu-liu bele hamosu dezastera ida neebe ema bele mate. Informasaun kompletu iha STL Jornal no STL Web, edisaun Tersa (7/7/2015). Timotio Gusmao
Suara Timor Lorosae