DILI - Prokurador Jeral Republika Jose Ximenes informa prosesu investigasaun kazu hatama Mina illegal tonelada 23, neebe Polisia Nasional Timor Leste (PNTL) Konsege prende iha Munsipiu Maliana.
Tuir Jose Ximenes Katak hasoru malu ho Prezidente Republika Informa mos ba Prezidente kona ba situasaun kriminalidade balun neebe akontese iha fulan hirak ba kotuk, neebe akontese Maliana kona Hatama Mina Ilegal mai Timor Leste.
Iha fulan ida ou rua ba kotuk, polisia servisu hamutuk ho Orgaun Sira seluk konsege halo apresiasaun ba Mina tonelada hamutuk 23 neebe ita prende, kareta rua ita prende hela dadauk hamutuk ho ro no mos material balun hanesan konstrukasuan,” dehan Jose ba Jornalista Segunda (06/07/2015), hafoin hasoru Malu ho Prezidente Republika Taur Matan Ruak.
Nia hatete kazu nee agora Ministeriu Publiku halo hela investigasaun, maske Arguidu balun halai lakon maibe balun komesa intrega Aan.
Iha loron hanesan Vice Ministru Negosiu Estranjeiru Roberto Soares mos hasoru malu ho Prezidente Republika Taur Matan Ruak, hodi aktualiza informasaun kona ba servisu Ministeriu Negosiu Estranjeiru no preparasaun Timor Leste nia ba Konseilu Ministru Negosiu Estranjeiru CPLP. Informasaun kompletu iha STL Jornal no STL Web, edisaun Tersa (7/7/2015). Timotio Gusmao
Suara Timor Lorosae