DILI - Timor Lesete (TL) too agora seidauk iha lei propiu atu julga kazu droga, maibee TL kontinua uza lei Indonesia nian hodi julga kazu droga sira neebe durante nee Ministeru Publiku notefika.
Lia hirak nee hatoo husi Deputadu Bankata Fretilin Fransisco Branco, ba STL iha Parlamentu Nasional (PN), Segunda (06/07/2015).
Ita la iha lei propiu atu kaer, hodi halo julgamentu ba kazu sira hanesan droga, maibe ita kontinua uza lei subsidaria, katak ita uza fali lei Indonesia nian hodi halo julgamentu, ida nee maka ita nia frakeza,” hateten Branco.
Nia hatutan relasiona Tribunal halo julgamentu kazu droga hasoru Komandante Invistigasaun Criminal Calisto Gonzaga, Eis Primeriu Ministru Xanana Gusmao sai sasin ba kazu nee, presta ona nia dekarasaun iha Tribunal, neduni prosesu nee iha tribunal, husi Deputadu sira la iha deklarasaun politika ida hasoru.
Iha fatin hanesan Deputadu Bankada PD Adriano João, hateten kazu droga sira nee durante nee Ministeru Publiku notefika, Tribunal halao julgamentu lao ho diak. Nasaun barak iha mundu hotu-hotu hakruk ba lei, maibe ba TL oin seluk, politika nain sira kontra lei no interven justice, tamba nee justica iha TL too agora kontinua fraku.
Nune mos Observador Justica Sabino M. Pinto hateten kazu droga susar atu kombate, tamba politika nain sira la fo oportunidade ba Justica hodi julga, tamba sira kontinua halo intervensaun. Informasaun kompletu iha STL Jornal no STL Web, edisaun Tersa (7/7/2015). Joao Anibal
Suara Timor Lorosae