DILI - Movimentu Universitariu Timor-Leste (MUTL) iha loron tersa 20/10 lokraik realiza demostrasaun ho asaun reza hamutuk hodi hasa’e orasaun ba nain maromak tuir dalan reliziaun katolika nian.
Asaun ne’e nudar parte ida atu husu ba aman maromak atu fó neon malirin ba deputadu iha iha Parlamentu Nasional hodi iha konsiderasaun no honestidade atu tau ajenda no halo diskusaun ba revizaun lei pensaun vitalisia ne’ebé la fó benifisiu ba iha povu maibe fó benefisiu deit ba grupu elite balun.
Portavoz MUTL, Herculano Vicente, hateten nasaun foun Timor-Lesta harii laos deit ema ida ka ema rua nia luta maibe ema barak nia partisipasaun hodi luta define futuru Timor Leste konsege realize maibe depois hetan independensia governu Timor Leste kria lei Pensaun Vitalisia hodi halo diskriminasaunn boot hasoru povu sira ne’ebé mak durante ne’e fó sira nia kontribusaun ba nasaun ne’e.
Nia dehan objetivu husi asaun hasa’e orasaun ne’e nudar dalan ida hodi husu ba iha maromak atu bele loke deputadu sira iha Parlamentu Nasional nia neon no esperitu bele halo atu halo revizaun ba lei pensaun vitalisia ne’ebé mak oras ne’e sai prekupasaun boot publiku. Demotrasaun ne’ebé hala’o durante semana rua ona maibe seidauk hetan rezutadu ne’ebé hanesan semana dahuluk hala’o iha Becora durante loron tolu no semana daruak nian hala’o iha kampus UNTL.
“Liu husi demostrasaun ne’ebé mak ba iha dala rua mak sei laiha rezultadu mak movimentu Universidade sei konvida Sosiadade Sivil, Organizasaun rezistensia sira hanesan 12 Novembru nomos sira seluk tan hodi bele kontinua halo demostrasaun hasoru governu nomos Parlamentu Nasional hodi halo revisaun lalais ba iha lei refere,” nia hateten. (BT)
Business Timor