Timor Leste (TL) uza sistema demokrasia ho nune’e Igualidade Jeneru katak, feto ho mane nia deireitu hanesan, tamba ne’e Organizasaun Naun Govermentais (Caucus) hala’o programa formasaun iha Munisipiu Ainaro,Ermera,Liquisa,no Dili hodi identifika feto potensiais nain 30 sai kandidata forte ba chefe suku.
“Ami identifika feto nain 54, maibe ami taes fali konaba sira nia komitementu kontinua ho sira nia komitmentu Iha feto nain 30 mak sei partisipa no kandidata a’an ba pozisaun chefe suku hodi kompete ho mane sira seluk”hatete diretora Fundasaun Caucus “Feto Iha Politika”Board Rede Feto Timor Leste Paula Flaminia de Corte Real Araujo ba JNDiário iha Obrigado Barak Caicoli Dili,Tersa (15/9).
Diretora Fundasaun Caucus “Feto Iha Politika”Board Rede Feto Timor Leste Paula Flaminia de Corte Real Araujo, esplika katak, sira nain 30 ne’ebe prepara atu sai kandidatura chefe suku.
Diretora Fundasaun Caucus “Feto Iha Politika”Board Rede Feto Timor Leste Paula Flaminia de Corte Real Araujo,realsa feto nain 30 ne’e sira identifika iha munisipiu 4 hanesan munisipiu Ainaro,Eremra,Liquisa,no Dili. Maske seidauk esplika detalhu ba kada munisipiu ema nain hira.
Nia hatutan tan katak, sira nain 30 ne’e sei hetan no tuir formasaun husi Caucus hanesan materia jestaun lideransa,tekniku oinsa jere sira nia suku liu husi planu,programa,no orsamentu ne’ebe sensivel zeneru,oinsa atu halo proposta,relatoriu,oinsa atu halo monitorizasaun ba projetu sira ne’ebe mak tama iha sira suku.
Nune’e mos oinsa atu halo foti notas ,wanhira iha enkontru ida no mos oinsa atu lidera ne’ebe sai hanesan chefe suku,lideransa transformativa Boa Governasaun ne’ebe sei fasilita sira durante loron Tolu.Tamba ne’e preparasaun ba feto sai lideransa agora dadauk sei iha parte kapasitasaun.
Diretora Caucus ne’e informa, feto iha politika ninia misaun mak atu enkoraza,motiva,suporta,no fo apoiu masimu liu husi kapasitasaun feto potensia sira ne’ebe indepente husi partidu politika atu fasilita programa kapasitasaun ba sira hodi prepara no sai lider ida ne’ebe atu sai lider ida ne’ebe bele hala’o nia funsaun nu’udar lideransa iha pozisaun kualker tomada desizaun.
Paula Flaminia dehan, Caucus halo preparasaun feto iha sukus ne’ebe tuir politika Governo nian hodi ba iha desentralizasaun,eleisaun sukus preparasaun hirak ne’e Caucus liu husi mekanismu inisiativa ida hodi hari’i Spering komite ne’ebe liu husi kampanhia “100% Hau prontu” atu suporta feto maluk sira ne’ebe mai husi munisipiu no feto potensiais sira ne’ebe identifika husi aldeias, sukus,Postu Administrativa,no munisipiu.
Aliende ne’e nia hatete, objetivu Caucus hala’o programa ne’e atu prepara feto sira prontu atu kandidata a’an iha pozisaun chefe suku nune’e mos identifika feto sira atu bele avansa ba kompetisaun iha prosesu politika desentralizasaun.
Caucus oras ne’e dadaun hala’o ona programa formasaun hanesan prepara mekanismu balun iha munisipiu hodi prepara planu estratejiku ba iha asosiasaun feto munisipiu sira hodi prepara feto potensiais sira ne’ebe prontu ona atu ba kandidata iha chefe suku.
Nia hatete tan atu hasoru eleisaun chefe suku Parlamento Nasional (PN) aprova tiha ona prolongamentu ba mandatu konselho suku katak, to’o iha fulan Outubro 2016 nune’e politika ida ne’ebe mak liu husi Konselho Ministru aprova modalidade foun ba eleisaun suku ne’e estratejia ba preparasaun feto husi parte spering komite 100% Hau prontu sei hala’o hikas planu no programa ne’ebe liga ho politika Governo nian ba modalidade eleisaun foun.
Nu’udar diretora ba fundasaun Caucus Feto Iha Politika ne’e husu ba Governo tenki hala’o sosializasaun iha terenu liu liu povu sira ne’ebe mak hela iha area rurais hodi esplika konaba sistema eleisaun ba chefe suku ninia atu nune’e komunidade sira bele hatene ho eleisaun ho modalidade foun ne’e. Tamba balun la konkorda ho sistema ida ne’e no balun gosta modalidade ida ne’ebe mak foun ne’e.tos
Jornal Nacional