DILI - Polísia Sientifika Investigasaun Kriminál (PSIK) identifika ona autór ne’ebé mak kria ID falsu iha website Timor Hau Nia Doben ne’ebé mak durante ne’e trata lider nasaun nian.
Direitór Nasionál PSIK, Hermenegildo Gonçalves informa, kona-ba website Timor Hau Nia Doben lansa lia-fuan provokativu no halo akuzasoens hasoru lideransa istoriku TL nian.
Nia esplika, kompetensia PSIK nian iha artigu 6 mak halo investigasaun. Tanba ne’e, PSIK ho inisiativa rasik halo investigasaun ba website ne’e.
“Prosesu investigasaun, PSIK detekta katak website sira utiliza iha Timor, Melbourne Vitoria Australia, California Estadus Unidos Amerika (EUA). Ema ida de’it mak utiliza web ne’e, maibé nia uza naran barak, nia fundu ema ida mak utiliza”, Hermenegildo ba jornalista iha nia kna’ar fatin Kaikoli, Kinta, (10/9).
Nia hatutan, PSIK buka meius oin nusa para bele apaña ema ne’ebé mak uza wep refere, atu buka solusaun ba ne’e, sira hatoo ona pedidu ba governu.
Nune’e PSIK hahú estuda para bele aprejenta iha esbosu lei kona-ba krimeCyber Crime Law, PSIK nian haree liu kriminalidade apaña ho utulizasaun rede sosial internet no atividade sira ne’ebé mak bele lori impaktu ba paz no estabilidade ba rai ne’e.
“Ita iha identifikasaun ona primeiru mak kuandu ita seidauk iha lei kona ba cyber crime, entaun ida ne’e fó dalan atu hare didiak lalaok ne’e halo nusa. Sei lei ne’e iha ona, ita bele buka ona, maibé ita buka dadaun atu kriminaliza loloos, nia bele ba hetan penal saida ka atu adiministra ita nia investigasaun profunda para lori ema ne’e to’o ba iha ne’eba presiza lei cyber crime”, Direitór Nasionál PSIK ne’e tenik.
Nia realsa, indika ona ema ne’ebé uza web ne’e posibilidade Timor-oan no mós bele ema estranjeiru, maibé ninia objetivu mak ema ne’e utiliza web ne’e iha nasaun tolu ne’ebé mak temi ona.(way)
Timor Post