Governu gasta osan saugati deit ba harii uma MDG’s (Millenium Development Goals), tanba uma refere la iha kualidade no risku liu lori moras ba komunidade kbi’it laek sira ne’ebe maka hela iha uma ne’e.
“Ita hare uma MDG’s ne’e nia kualidade mos la diak ho tan tempu ida ema preokupadu mudansa kilimatika ita hari fali uma ida hanesan ne’e, hanoin tok nia ambiente ne’e halo nusa, ita hela iha laran bele hetan moras oi-oin, tanba manas no klo’ot,” hateten membru PN husi Bankada CNRT Cesar Valente De Jesus ba Jornalista iha PN, Kinta (3/9/2015).
Nia konsidera katak, Governu gasta povu nia osan saugati, tanba hari uma ne’ebe mak ho kondisaun klo’ot. Ne’e duni wainhira atu hari uma MDgs mak la iha planu ne’ebe mak integradu bele dehan, gasta buat barak. Ne’e kabe ba Ministerio ida-idak ninia planu.
“Ami nia hanoin desde terseru lejislatura buat barak mak ita tenki alerta no ita tenki honestu, hodi koalia frontal kontra buat ne’ebe la benefisia ba povu,” afirma Deputadu Cesar Valente. avi
Jornal Nacional