DILI - Governu presiza kria fatin lokalizasaun ba prostituisaun iha rai laran, nunee bele redus moras HIV/SIDA neebe mak aumenta ba bebeik.
Membru Parlamentu Nasional (PN) husi komisaun F, neebe trata asuntu Saude no Edukasaun, Kultura, Veteranus e Igualdade de Jeneru deputadu Antonio Cerpa hatete, estadu tenki hare fatin seguru ba ema sira neebe maka halao aktividade prostituisaun, atu nunee mediku sira bele kontrola.
Iha fatin barak ami komisaun F ba mos hare fatin sira nee iha nasaun seluk ema hakiak hela, estadu tenki hare fatin ida neebe ke seguru no tau mos mediku sira atu bele kontrola, tamba moras HIV/SIDA ida nee ita atu prevene deit mos labele,” dehan deputadu Antonio ba jornalista sira iha PN, Dili, Kuarta (02/09/2015).
Nia hatete, ekonomia mak halo ema hodi monu ba buat sira nee, tamba nee tenki eduka labarik sira atu labele monu ba nee. Moras HIV/SIDA ema estranjeiru sira lori mai, tuir lolos nee atu labele hetan moras HIV/SIDA familia tenki iha konhesementu konaba moras nee.
Iha fatin hanesan deputada Domingas da Silva husu ba Ministeiru Saude atu halao ninia sosializasaun ba ema hotu, para oinsa bele redus moras HIV/SIDA iha rai laran. Informasaun kompletu iha STL Jornal no STL Web, edisaun Kinta, (3/9/2015). Carme Ximenes
Suara Timor Lorosae