Primeiru-ministru ohin hatete katak Indonézia kompromete aan iha tempu badak atu implementa, akordu bilaterál ne’ebé sei fó dalan ba timoroan sira hodi hetan vistu xegada iha postu fronteirisu indonézia, nune’e fasilita asesu ba enklave Oecusse.
"Ho parte timoroan nian laiha problema. Ida ne’e sai mós hanesan akodu balun ne’ebé halo ona no ladauk implementa hosi Indonézia atu hetan vistu ba xegada timoroan sira ne’ebé hakarak atravesa ba fronteira", hatete Rui Maria de Araújo.
"Governu indonéziu hatete katak pronto atu koko rezolve asuntu ne’e ho lalais", afirma.
Rui Maria de Araújo haktuir ba jornalista sira bainhira nia to’omai Díli hafoin hala’o tiha vizita ofisiál ida durante loron rua ba Indonézia, primeira vez dezde simu pose iha fulan Fevereiru, ne’ebé hasoru malu ho Prezidente indonéziu no ho sekretáriu-jerál ASEAN.
Prosesu burokrátiku kompleksu noo karu tebes atu timoroan sira presiza kumpri hodi bele hetan vistu iha Indonézia, liuliu ko’alia kona-ba travesia hosi rai fronteira ba enklave Oecusse ne’ebé hamosu difikuldade ba sidadaun no empreza timoroan sira.
"Iha Timor-Leste ita iha ona modelu ida ne’e ba indonéziu sira no mós ba portugés sira, ezemplu imi bele husu vistu hodi ba to’o fronteira iha Batugadé. Maibé ita la konsege hlao ida ne’e tanba problema hosi indonéziu", nia haktuir.
"Asuntu ida ne’e ko’alia ona no iha disponibilidade hodi indonéziu nian atu rezolve", dehan, hodi esplika katak akordu inklui fasilidade iha transporte merkadori sira.
Xefe Governu timoroan hatete katak durante enkontru sira iha Indonézia sira analiza ida ne’e nomós asuntu bilaterál sira seluk, ho destake ba kestaun hanesan delimitasaun fronteira entre rai rua ninian.
Kona-ba fronteira terrestre, nia hatete katak, prosesu delimitasaun pratikamente konklui ona, tenke halo fali iha fronteira marítima akordu ne’ebé atu halo tuir kada faze.
"Ida ne’e simples liu ba norte no kompleksu liu iha zona sul, tanba ne’e ita sei hetan akordu ida ne’ebé tuir ninia faze", esplika, hodi subliña katak objetivu maka atu rezolve uluk kestaun fronteira terreste nian to’o tinan ne’e remata.
Primeiru-ministru hatete tan katak nia fó sai ona ba Prezidente indonéziu Joko Widodo kona-ba konvite ida ne’ebé xefe Estadu timoroan, Taur Matan Ruak, husu atu vizita Timor-Leste.
SAPO TL ho Lusa - Foto: EPA@ António Sampaio
"Governu indonéziu hatete katak pronto atu koko rezolve asuntu ne’e ho lalais", afirma.
Rui Maria de Araújo haktuir ba jornalista sira bainhira nia to’o
Prosesu burokrátiku kompleksu noo karu tebes atu timoroan sira presiza kumpri hodi bele hetan vistu iha Indonézia, liuliu ko’alia kona-ba travesia hosi rai fronteira ba enklave Oecusse ne’ebé hamosu difikuldade ba sidadaun no empreza timoroan sira.
"Iha Timor-Leste ita iha ona modelu ida ne’e ba indonéziu sira no mós ba portugés sira, ezemplu imi bele husu vistu hodi ba to’o fronteira iha Batugadé. Maibé ita la konsege hlao ida ne’e tanba problema hosi indonéziu", nia haktuir.
"Asuntu ida ne’e ko’alia ona no iha disponibilidade hodi indonéziu nian atu rezolve", dehan, hodi esplika katak akordu inklui fasilidade iha transporte merkadori sira.
Xefe Governu timoroan hatete katak durante enkontru sira iha Indonézia sira analiza ida ne’e nomós asuntu bilaterál sira seluk, ho destake ba kestaun hanesan delimitasaun fronteira entre rai rua ninian.
Kona-ba fronteira terrestre, nia hatete katak, prosesu delimitasaun pratikamente konklui ona, tenke halo fali iha fronteira marítima akordu ne’ebé atu halo tuir kada faze.
"Ida ne’e simples liu ba norte no kompleksu liu iha zona sul, tanba ne’e ita sei hetan akordu ida ne’ebé tuir ninia faze", esplika, hodi subliña katak objetivu maka atu rezolve uluk kestaun fronteira terreste nian to’o tinan ne’e remata.
Primeiru-ministru hatete tan katak nia fó sai ona ba Prezidente indonéziu Joko Widodo kona-ba konvite ida ne’ebé xefe Estadu timoroan, Taur Matan Ruak, husu atu vizita Timor-Leste.
SAPO TL ho Lusa - Foto: EPA@ António Sampaio