DILI - Situasaun atual iha Munisipiu Baucau kontroladu, maske elementus importante Mauk Moruk (MM) nian nain 6 seidauk kaer.
Tuir Komadante PNTL Munisipiu Baucau Superentidente Justino Menezes katak situasaun iha Baucau oras nee lao diak, no komunidade sira halo atividade hanesan bain-bain, maske Empeniamentu Operasaun Konjunta (EOK) retira ona, no foin dadauk lori Mate Isin Paulino Gama ho nia element sira ba mos laiha problema.
Hau hanoin elementus importante Mauk Moruk nian hanesan Lemorai, Jose Sunarde ho sira nain haat seluk neebe maka too oras nee seidauk kaptura, maka knar Polisia Munisipiu Baucau nian atu buka tuir, maibe iha sira nain 16 seluk neebe maka foin dadauk mai intregaaan ona ba iha PNTL munisipiu Baucau, no grupu nain 10 neebe maka iha parte Kribas Manatutu nian nee mos ba intrega aan hotu ona,” dehan Komandante Munisipiu Baucau Superentidente Justino ba Jornalista Kinta (27/08/2015)iha kuartel jeral PNTL Caicoli Dili.
Nia informa liu tan ema sira neebe maka durante nee hamotuk ho Mauk Moruk kuaze intregaan, hela deit Mauk nia elementus importante Jose Sunardi, Lemorai no sira nain hat seluk neebe maka sei hamotuk hela ho sira nain rua, tan nee sira nia responsablidade komandu Baucau atu buka tuir sira nia paraderu.
Iha fatin hanesan Komandante Jeral PNTL Komisariu Julio da Costa Hornay hatutan, tuir relatoriu neebe maka komandante Jeral simu, situasaun iha Munisipiu Baucau lao diak no foin daduk lori Mate Isin Mauk Moruk ho nia elementus nain tolu ba nee diak hela no laiha problema, tan nee situasaun lao diak. Informasaun kompletu iha STL Jornal no STL Web, edisaun Sesta (28/8/2015). Madalena Horta/Lucia Ximenes
Suara Timor Lorosae