DILI - Atu Kumpri Komprimisiu Politku durante kampaina Elisaun Prezidensial 2012 ba povu, Prezidente Republika Taur Matan Ruak renova deklarasaun rikusoin ba Tribunal Rekursu (TR) kada tinan maske la tuir lei.
Deklarasaun Rikusoin husi Prezidente Republika Taur Matan Ruak ba iha tribunal Rekursu nee aprezenta husi Primeira Dama Isabel Ferreira, nebe simu Direta husi Prezidente Tribunal Rekursu Guilhermino da Silva.
Remata Deklarasaun Rikusoin ba Tribunal Rekursu, Primeira Dama Isabel Ferreira hatete deklarasaun rikusoin nebe mak halo hanesan mos deklarasaun Prezidente Republika Taur Matan Ruak, nebe halao iha tinan 2012 tuir lei numeru 7/2017 25 de Jullu tan nee halo renova.
Ita nia lei la dehan tinan-tinan halo deklarasaun maske ita nia lei nee la klaru mais prezidente Republika iha komprimisiu Politiku nebe nia halo iha kampaina hakarak kontinua aprezenta nafatin rikosoin ba tribunal rekursu,” dehan Isabel ba Jornalista Kuarta (26/08/2015) iha tribunal Rekursu.
Nia hatete Prezidente Republika Hakarak hatudu Nafatin komitmentu hodi kombate korupsaun no mos monu ba iha uza interese estadu ninian ba interese pessoal tan nee prezidente hakarak halo deklarasaun rikusoin kada tinan.
Ba Deklarasaun nee Jornalista tenta atu halo Konfirmasaun ho Prezidente Tribunal Rekursu Guilhermino da Silva, maibe Labele fo komentariu ba publikua tamba okupadu ho servisu.
Basea ba Dokumentu Deklarasaun Rikusoin nebe Primeira dama Renova ba iha tribunal Rekursu nebe STL Konsege Asesu mak Prezidente Republika Taur Matan Ruak ninia nota Bankaria rua iha Banku BNUTimor ho Saldo 961,69 USD$ no ida seluk ho saldo 2.212,98 USD$. Informasaun kompletu iha STL Jornal no STL Web, edisaun Kinta (27/8/2015). Timotio Gusmao
Suara Timor Lorosae