Dili, Radio Online - Programa konta Bebe 2015 ne’ebe lansa iha tinan kotukhahu implementa, ho objectivu fo subsediu ba familia kbi’it laek liu-liu ba casada foun sira, dehan Permeira Dama Isabel da Costa Ferreira ba jornalista Radio Liberdade iha Palacio Presidente Aitarak Laran Dili 13/8/15
“Programa ida ne’e, ita bolu dehan programa konta da bebe, ita halo lansamentu iha tinan kotuk, programa konta da bebe programa ida ita fo ajuda hanesan subsidiu ba familia ki’ibit laek liu-liu cazal foun sira ne’ebe hanesan joven hela deside hakarak forma uma kain maibe sira la iha kbi’it atu tau matan ba sira nia oan, liu-liu hanesan nutrisaun tamba ita hatene ita nia nasaun iha labarik ho Feto mak mate tamba mal nutrisaun iha 49 % iha tinan kotuk iha 59 % ho kodisaun ida ne’e mak ita halo programa ne’e hodi fo atensaun ba familia foun sira ne’ebe mak foin forma uma kain, ita hakarak fo ajuda ba sira para sira nia oan bele moris saudavel nune mos sira nia inan“ informa Permeira Dama.
Permeira Dama haforsa liu tan katak “programa konta da bebe hanesan mos programa ne’ebe mak Governu halo ba Idozus sira e Fulan ida ita fo $ 30, ida ne’e iha deferente rua, ita laos fo osan deit maibe ita fo mos hahan e osan balun ita rai iha banco, ne’e mak ita dehan konta da bebe, rai hanesan konfransa ida ba bebe ne’e para aban bain rua nia halo tinan 6 e depois ita kontinua to’o tinan 17 para sira iha ona kondisaun kuandu sira hakarak kontinua karik sira nia escola ba universidade sira iha ona osan uituan ba escola”.
Permeira Dama esplika tan katak “programa ne’e laos implementa deit iha Dili maibe sei implementa iha distritu 13, maibe agora dadauk sei implementa uluk iha Munisipiu tolu hanesan Dili, Lequisa, Aileu no programa ne’e hetan suporta husi asosiasaun HAKKA,Cina”.
Iha fatin hanesan Jacob Serafin, Ofisial Konta da Bebe iha Gabine Permeira Dama esplika katak “bebe sira ne’ebe mak atu tama iha programa konta da bebe tenke tuir kriteria mak hanesan ema ne’ebe mak inan aman seidauk hetan servisu, sira nebe mak seidauk hetan programa ida husi estadu hanesan bolsu de mai , livro de saude, Sertidaun RDTL no Eleitoral husi inan aman ninian no Eleitoral, deklarasaun Chefe sucu”.
Jacob sublinha liu tan katak “bebe ne’ebe mak tama iha programa konta de bebe hahu husi zero anos e tenke moris iha tinan 2014, sira ne’ebe mak moris iha 2013, ami labele fo ajuda tamba ami tenke hare husi zero anos hodi prosesu sira, permeiro ami tenke hare sira nia saude e segundu ami tenke hare fali sira nia future, entaun futuru ami garantia osan ida ami tau iha banco BNCTL ne’e, osan ne’e iha banco to’o bebe tinan 6 mak foti dala ida hodi selu ba escola”.
Aktividade ne’e hetan suporta husi doador internasional HAKKA, BNCTL, Ministeriu Justisa e Ministeriu Saude.
Rádio Liberdade Dili - Marta da Costa