Komandante forsa defeza Timor-Leste (F-FDTL), major jenerál Lere Anan Timur, lamenta ho eis-gerilleiru Mauk Moruk ninia mate, no garante katak iha momentu ikus liu mós, autoridade sira tenta atu eis-gerilleiru ne’e entrega-aan.
Lere Anan Timur esplika katak iha sábadu liu ba ne’e maka Mauk Moruk ho ninia apoiante sira tiru-malu ho elementu forsa konjunta, hodi ikus mai ema na’in tolu maka mate no na’in ida kanek.
Autoridade sira hahú buka Mauk Moruk desde fulan marsu liu ba, liu hosi operasaun ho naran kódigu Hanita ne’ebé envolve efetivu hosi F-FDTL ho Polísia Nasionál Timor-Leste (PNTL).
“Iha besik tuku 15:00, membru hosi Komandu Operasaun Konjunta (KOK) simu informasaun hosi komunidade katak Mauk Moruk ho ninia elementu na’in tolu halo hela movimentasaun iha zona foho leten, besik ba aldeia Watulibu, suku Watuhaku, postu administrativu Venilale”, dehan Lere Anan Timur.
"Membru KOK halo serku ba iha zona refere no kontinua halo obsservasaun", esplika.
Komandante hosi grupu KOK, kapitaun Correia ne’ebé iha hela zona refere, dehan ba komandu katak, koronel Falur Rate Laek, veteranu ida mos hosi F-FDTL halo hela mobilizasaun hodi koko hetan solusaun ba diálogu, liu hosi portavos Mauk Moruk nian, Angela Freitas.
“Nia tenta konvense Mauk Moruk atu entrega-aan, maibé rezultadu ba tentativa ne’e negativu”, dehan.
“Forsa sira iha terenu halo esforsu oioin hodi halo negosiasaun ho Mauk Moruk ne’ebé laaseita ho pedidu ne’e, hodi tiru hasoru forsa. Ho atake ne’ebé Mauk Moruk halo kontra forsa, hodi ikus mai tiru-malu, maka Mauk Moruk ho ninia membru rua mate, no ida seluk kanek”, dehan.
Responsável F-FDTL ne’e haktuir hikas kona-ba kontaktu dahuluk ho Mauk Moruk hala’o loron tolu antes, besik ba iha aldeia Osowake, suku Fatulia, postu administrative Venilale, parte sul Baucau.
Iha loron ne’e populasaun iha zona ne’e dehan katak sira haree Mauk Moruk ho ninia apoiante la’o ba no mai iha zona ne’e, halo sira tauk ho Mauk Moruk ninia prezensa.
“Sidadaun sira kumpri sira-ninia obrigasaun, hodi fó informasaun ba KOK. Tanba ne’e maka desidi haruka kedas grupu rua ba iha área ne’e, monitoriza no akompaña situasaun”, esplika.
Grupu dahuluk destaka ba iha zona Foho Mundu Perdiu no segundu ba iha zona Osowake hodi halo observasaun.
“Iha tempu ne’ebá, grupu hosi Osowake hasoru malu ho Mauk Moruk no ninia grupu. Tuir sarjentu Gau Teru (F-FDTL) ho ajente Nelson (PNTL) dehan ba Mauk Moruk atu kolabora no bele ko’alia ba malu”, esplika Lere Anan Timur.
“Maibé nia laaseita hosi pedidu ne’e, hodi tiru hakanek sira na’in rua. Sira mós tiru hasoru element KOKO, maibé lakonsege kona”, esplika.
Esplika katak, hafoin “ajente rua ne’ebé hetan kanek ne’e monu”, “membru KOK halo kedas auto-defeza” hodi tiru hasoru Mauk Moru, “maski nune’e Mauk Moruk konsege hala’i, no element ida hosi ninia grupu, Domingos Soaraes maka mate”.
Liu tiha meia ora, grupu apoiu KOK nian to’o kedas iha fatin no lori efetivu ne’ebé hetan kanek ho aerotransportadu mai iha Dili.
SAPO TL ho Lusa - Foto: Samuel Soares @SAPO TL
Autoridade sira hahú buka Mauk Moruk desde fulan marsu liu ba, liu hosi operasaun ho naran kódigu Hanita ne’ebé envolve efetivu hosi F-FDTL ho Polísia Nasionál Timor-Leste (PNTL).
“Iha besik tuku 15:00, membru hosi Komandu Operasaun Konjunta (KOK) simu informasaun hosi komunidade katak Mauk Moruk ho ninia elementu na’in tolu halo hela movimentasaun iha zona foho leten, besik ba aldeia Watulibu, suku Watuhaku, postu administrativu Venilale”, dehan Lere Anan Timur.
"Membru KOK halo serku ba iha zona refere no kontinua halo obsservasaun", esplika.
Komandante hosi grupu KOK, kapitaun Correia ne’ebé iha hela zona refere, dehan ba komandu katak, koronel Falur Rate Laek, veteranu ida mos hosi F-FDTL halo hela mobilizasaun hodi koko hetan solusaun ba diálogu, liu hosi portavos Mauk Moruk nian, Angela Freitas.
“Nia tenta konvense Mauk Moruk atu entrega-aan, maibé rezultadu ba tentativa ne’e negativu”, dehan.
“Forsa sira iha terenu halo esforsu oioin hodi halo negosiasaun ho Mauk Moruk ne’ebé laaseita ho pedidu ne’e, hodi tiru hasoru forsa. Ho atake ne’ebé Mauk Moruk halo kontra forsa, hodi ikus mai tiru-malu, maka Mauk Moruk ho ninia membru rua mate, no ida seluk kanek”, dehan.
Responsável F-FDTL ne’e haktuir hikas kona-ba kontaktu dahuluk ho Mauk Moruk hala’o loron tolu antes, besik ba iha aldeia Osowake, suku Fatulia, postu administrative Venilale, parte sul Baucau.
Iha loron ne’e populasaun iha zona ne’e dehan katak sira haree Mauk Moruk ho ninia apoiante la’o ba no mai iha zona ne’e, halo sira tauk ho Mauk Moruk ninia prezensa.
“Sidadaun sira kumpri sira-ninia obrigasaun, hodi fó informasaun ba KOK. Tanba ne’e maka desidi haruka kedas grupu rua ba iha área ne’e, monitoriza no akompaña situasaun”, esplika.
Grupu dahuluk destaka ba iha zona Foho Mundu Perdiu no segundu ba iha zona Osowake hodi halo observasaun.
“Iha tempu ne’ebá, grupu hosi Osowake hasoru malu ho Mauk Moruk no ninia grupu. Tuir sarjentu Gau Teru (F-FDTL) ho ajente Nelson (PNTL) dehan ba Mauk Moruk atu kolabora no bele ko’alia ba malu”, esplika Lere Anan Timur.
“Maibé nia laaseita hosi pedidu ne’e, hodi tiru hakanek sira na’in rua. Sira mós tiru hasoru element KOKO, maibé lakonsege kona”, esplika.
Esplika katak, hafoin “ajente rua ne’ebé hetan kanek ne’e monu”, “membru KOK halo kedas auto-defeza” hodi tiru hasoru Mauk Moru, “maski nune’e Mauk Moruk konsege hala’i, no element ida hosi ninia grupu, Domingos Soaraes maka mate”.
Liu tiha meia ora, grupu apoiu KOK nian to’o kedas iha fatin no lori efetivu ne’ebé hetan kanek ho aerotransportadu mai iha Dili.
SAPO TL ho Lusa - Foto: Samuel Soares @SAPO TL