DILI – Governu Timor Leste ofisialmente intrega rai neebe mak iha motael (Jardim Borja) ba Santa Se, liu hosi asina akordu bilateral entre nasaun rua nee.
Tuir Primeiru Minsitru (PM), Rui Maria de Araujo liu hosi deskursu wainhira remata asina akordu hamutuk ho reprejentante Santa Se, Cardeal Pietro Parolin neebe mak halo iha Palacio Governu Sesta (14/08) hatete relasaun Timor Leste ho Santa Se espesial tebes hodi servisu hamutuk liu-liu Governu ho Igreja Katolika.
Hanesan ita hatene katak Igreja Katolika importante tebes iha area formasaun moral no edukasaun iha ita nia rai laran nomos sai nudar matadalan iha aktividade seluk neebe iha karakter social no edukativu ninian. Governu TL ofrese ona ba Santa Se rai ida iha Motael neebe mak depois sei hari nunsiatura Santa Se ninian,” hatete PM Rui Maria de Araujo.
Primeiru Ministru hatutan alende intrega rai ba Santa Se, Governu Timor Leste ho Santa Se mos asina ona akordu ou konkordata neebe mak sei regula ofisialmente relasaun entre Igreja Katolika ho Governu Timor Leste, maibe TL ho Igreja Katolika antes nee servisu hamutuk ho governu iha tinan 500 liu ba tanba nee Governu TL mos nafatin sei servisu hamutuk kolabora liu hosi parseria neebe mak iha hamutuk ho Santa Se no Igreja iha TL.
Laos nee deit iha inkontru nee Governu Timor Leste mos intrega konvite ofisial ida liu hosi Kardeal Pietro Parolin atu hatoo ba Amu Papa Fransisco hodi bele vijita mai iha Timor Leste tanba povu tomak hein hela Papa Fransisco ninia vijita. Informasaun kompletu iha STL Jornal no STL Web, edisaun Sabado (15/8/2015). Thomas Sanches
Suara Timor Lorosae