Pelumenus ema na’in 14 mate no na’in hat lakon bainhira tufaun Soudelor to’o iha kosta sudeste Xina nian, fó sai ohin media xinés.
Tuir ajénsia notisioza Xinhua, vítima na’in 12 hosi Wenzhou, sidade ho abitante rihun 1,5 no rejista prejuízu dólar millaun 600 resin.
Ho pasajen tufaun nian, iha rejiaun ne’ebá akontese udan aat liu iha tinan atus ikus ne’e, nune’e mós ho rai halai iha área rural sira.
Tuir previzaun iha sentru meteorolójiku xinés, iha oras balun tuir mai, tufaun Soudelor bele halakon kategoria tempestade tropikál tanba kontinua sa’e iha rejiaun kontinente aziátiku ne’e.
Iha Taiwan, tufaun hamate ema na’in nen, 102 kanek no hat lakon. Família millaun tolu lahetan asesu ba eletrisidade tanba udan boot.
SAPO TL ho Lusa
Ho pasajen tufaun nian, iha rejiaun ne’ebá akontese udan aat liu iha tinan atus ikus ne’e, nune’e mós ho rai halai iha área rural sira.
Tuir previzaun iha sentru meteorolójiku xinés, iha oras balun tuir mai, tufaun Soudelor bele halakon kategoria tempestade tropikál tanba kontinua sa’e iha rejiaun kontinente aziátiku ne’e.
Iha Taiwan, tufaun hamate ema na’in nen, 102 kanek no hat lakon. Família millaun tolu lahetan asesu ba eletrisidade tanba udan boot.
SAPO TL ho Lusa