DILI - Cornelio Gama L7, maun husi Mauk Moruk, sei iha situasaun tristeza, tamba nee nia seidauk bele fo komentariu relasiona ho nia maun nebe EOK tiru mate iha Venilale, Sabado (8/8/2015).
Bainhira STL koko atu konfirma L7 konaba mate isin Mauk Moruk, maibe nia seidauk bele fo komentariu.
Nia (L7 red) sei triste hela,” dehan sobrinho husi L7 nebe, hasoru jornlaista sira iha nia residensia, Bidau, Domingo (9/8/2015).
Tuir observasaun STL iha HNGV, mate isin nain tolu sei rai hela iha mortuariu, nebe hetan seguransa masimu husi PNTL no F-FDTL. Seguransa la fo lisensa atu familia husi mate bian nain tolu, ba visita mate isin iha mortuariu HNGV.
Forsa husi PNTL ho F-FDTL ho kilat kompletu haleu HNGV Dili, la autoriza se deit inklui tranporte publiku ou privadu tama iha area HNGV Dili. Lideransa estadu seidauk mai HNGV hodi hare ho matan Mauk ho nia elementu nebe rai hela iha mortuariu. Informasaun Kompletu iha STL Jornal Edisaun Segunda (10/08/2015).
Suara Timor Lorosae