VIQUEQUE - Povu suku Irabin de Baixo kuaze nain 27 deskonfia involve iha organizasaun CPD-RDTL, tamba nee Prezidenti Republika Taur Matan Ruak husu atu koopera ho estadu no respeita timor oan sira nebe maka mate hodi sosa ukun rasik Aan.
Prezidente Republika Taur Matan Ruak hatete nia parte rona iha suku Irabin de Baixo populasaun nain 27 mak involve iha grupu CPD-RDTL, husu atu koopera ho estadu no tenki respeita Saudozu sira nebe fo sira nia Aan ba luta Ukun Aan.
Hau husu ba sira nain 27 nebe mak involve iha grupu CPD-RDTL tenki koopera ho estadu tamba ita nia ukun Aan dala ida laos dala rua,” dehan Taur liu husi dialogu ho Komonidade Suku Irabin de Baixo Segunda (22/06/2015).
Taur Apela ba familia membru CPD-RDTL nebe mak marka prezensa iha dialogu nee atu hatutan lia menon prezidente ninian ba sira nebe mak involve iha CPD-RDTL atu koopera ho estadu no labele tuir organizasaun sira nebe mak illegal iha rai laran.
Nune mos Xefe Aldeia Abilio Makausa Amaral hatete akontesimentu iha Lalolai ho Baguia halo komunidade sira trauma, tamba nee husu ba estadu tau tau Postu Seguransa iha komonidade sira nia leet. Informasaun kompletu iha STL Jornal no STL Web, edisaun Kuarta (24/6/2015). Timotio Gusmao
Suara Timor Lorosae