DILI - Deskonfia Prezidente Parlamentu Nasional Aderito Hugo dada Ahi illegal wainhira asumi kargu hanesan Vice Prezidente Parlamentu Nasional (PN), neebe lao iha publiku tenki esplika ba publiku nunee labele fo impaktu ba Parlamentu hanesan orgaun Koletivu.
Tuir Deputadu Bankada Fretilin Osorio Florindo katak PN segundu orgaun soberanu hahu husi Prezidente ho membru tomak reprezentadu Prezidente Parlamentu, maibe akompaina media sosial deskonfia Prezidente Parlamentu dada Ahi illegal.
Hau Akompaina media sosial, hau husu deskulpa antisipada ba Prezidente, tamba parlamentu tomak nia naran diak, dehan deskonfia Prezidente sai Prezidente Parlamentu momentu sei vice Prezidente dada eletrisidade illegal,” dehan Osorio liu husi sesaun plenaria Segunda (09/05/2016) iha PN.
Nia hatete iha mekanismu atu regula maibe asumi kargu nudar Prezidente PN diak liu esplika ba Parlamentu tomak tamba seidauk rona pozisaun Preziden Parlamentu, hodi hatan iha media sosial maske insultu sira lao nafatin.
Nunee mos Deputada Bankada CNRT Bendita Moniz hatete nia parte husu Prezidente Parlamentu Nasional presiza esplika klaru ba publiku, relasiona ho informasaun neebe mak lao iha publiku deskonfia dada Ahi illegal.
Hatan ba Prekupasaun Nee Prezidente Parlamentu Nasional Aderito Hugo hatete Observasaun neebe mak iha ba nia aan rasik notisia neebe mak publika iha media balun laiha konfirmasaun tuir regras neebe mak iha. Informasaun kompletu iha STL Jornal no STL Web, edisaun Tersa (10/5/2016). Timotio Gusmao
Suara Timor Lorosae