LAUTEM — Prezidente Repúblika Taur Matan Ruak husu Ministeriu Públiku atu projetu neebe governu halao iha rai laran maibe laiha kualidade, tamba Gasta orsamentu Jeral estadu atu halo dezemvolvimentu iha rai laran.
Tuar hatete Ministeriu Pubpliku hodi halo investigasaun ba Agensia Dezemvolvimentu Nasional (ADN) tamba hare projetu nebe maka halao iha rai laran liu husi institusaun nee, maibe projeitu balun kontinua laiha kualidade.
Hau haruka Prokurador investiga ADN, maun Xanana dehan investiga mak hau, hau dehan investiga nia, lalika tauk,” Taur liu husi dialogu komunitaria ho komunidade iha suku Serelau, postu administrativu Lautem, Municipiu Lautem, Sabado (25/07/2015).
Nia hatete Prinsipiu Prezidente maka lakohi naok no sei la husik ema ida atu naok ou gasta osan estadu arbiru, konaba portu iha Hera neebe mak governu halo ba FALINTIL Forsa Defeza Timor-Leste (F-FDTL) komponente Naval, halo hotu maibe F-FDTL la simu tanba kualidade laiha.
Iha fatin ketak komonidade Parlamentu Jose Reis Freitas katak Povu kiik la komprtende ejekusaun orsamentu kada tinan nebe Parlamentu Nasional aprova osan boot maibe prosesu ejekusaun atu tau matan ho diak tenki investiga too iha baze. Informasaun kompletu iha STL Jornal no STL Web, edisaun Tersa (28/7/2015). Timotio Gusmao
Suara Timor Lorosae