DILI - Eis Prezidente Parlamentu Nasional (PN) Vicente Guterres rezigna Aan husi kargu nudar Prezidente PN, maibe lahatene sala neebe mak iha tamba bankada CNRT lakonsege Aprezenta faktus lakon Konfiansa neebe sira aprezenta.
Tuir Vicente katak nia parte agradese no louva bankada Parlamentu inkliu deputadu hotu-hotu neebe kontribui halo revizaun ba rezimentu Parlamentu, hodi loke dalan legal distitui Prezidente Parlamentu Nasional no membru meja nian.
Tan Dignidade rai lulik Ida nee nian, povu doben, estadu nian, orgaun soberania parlamentu, dignidade prezidente parlamentu nudar segunda figura estadu no hau nia dignidade rasik, hau renunsia ba hau nia kargu nudar prezidente parlamentu Nasional,” dehan Vicente liu husi dekalsaun ba dala ikus iha plenaria extra-ordinariu atu distitui Prezidente Parlamentu, Kinta (05/05/2016) iha Parlamentu.
Nia haktuir iha loron 26 Juliu 2012 durante enkotru loron tomak Primeiru Ministru Xanana Gusmao nia rezidensia Licidere ho dirizente neebe mai husi Partidu Frente Mudansa, PD no CNRT indika Vicente Guterres Kandidatu ba prezidente Parlamentu.
ita Avansa ho Distituisaun neebe sai alvu principal mak prezidente parlamentu Nasional, maibe too agora Prezidente parlamentu seidauk hatene ninia sala, no krime lolos saida neebe hau konfese ba ita boot sira,” dehan Vicente.
Vicente hatete wainhira simu kartgu nudar Prezidente Parlamentu senti todan hanesan foho Matebian, maibe oras nee senti hanesan kman kalohan neebe haleu foho Matebian, maske kumpri imparsialidade, reprezenta parlamentu iha rai laran no mos rai liur ho dignidade tuir kapasidade neebe iha.
Iha fatin hanesan Xefi Bankada PD Maria Lurdes Bessa hatete tuir lei se lasala Prezidente Parlamentu Nasional Vicente Guterres hetan eis titular, tamba nia kumpri ona lei neebe vigora atual hodi hetan eis titular. Informasaun kompletu iha STL Jornal no STL Web, edisaun Sesta (6/5/2016). Timotio Gusmao/Thomas Sanches
Suara Timor Lorosae