DILI – Timor Leste hetan apoiu barak neebe mai husi nasaun hotu wainhira Timor Leste, lori kazu fronteira maritima ho Austraia ba iha ONU atu resolve tuir Lei Internasional.
Deklarasaun nee fo sai husi Vise Prezidente Asosiasaun Combatentes da Brigada Negra (ACBN), Quito Tama-Laka, ba jornalista sira iha ninia servisu fatin Palacio do Governu Kinta (28/06/2016).
Ita nia kazu nee lori ona ba ONU nee ba luta politik nian no oras nee dadaun ita nia maun boot Xanana mos iha Australia kolia iha fatin-fatin tanba nee tenke halo mobilizasaun ida neebe mak makas liu-liu povu Australia rasik no iha nasaun barak mak apoiu ita nia problema wainhira ita lori problema nee ba ONU,” dehan Tama-Laka.
Nia hatutan governu Australia mos hakfodak wainhira TL lori kazu fronteira maritime nee ba ONU, no oras nee media Asutralia mos foti ona problema tanba nee husi parte ACBN nian pronto atu organija tan massa, hodi halo demostrasaun neebe mak boot tebes wainhira hetan orientasaun husi maun boot sira.
Iha fatin ketak Fransisco da Costa, neebe hanesan membru Movimentu Okupasaun Tasi Timor (MKOTT) mos hatete, demostrasaun hasoru Australia sei kontinua wainhira Australia kontinua ulun toos.
Tuir informasaun neebe mak STL hetan husi parte Governu katak too oras nee Australia seiduak iha resposta neebe positive atu halo dialogu ho Timor Leste, no Austraia mos hakfodak wainhira Timor Leste lori kazu delimitasaun fronteira maritime entre pais rua nee ba ONU. Infromasaun kompletu iha STL Jornal no STL Web, edisaun Sabado (30/4/2016). Thomas Sanches
Suara Timor Lorosae