DILI - Administrador Postu Administravidu iha Teritoriu Timor Laran tomak deskonfia maioria militante partidu CNRT, tan nee Bankada Fretilin iha Parlamentu Nasional husu esplikasaun husi Sestu governu konstitusional.
Deklarasaun nee fo sai husi Deputadu Bankada Fretilin Aurelio Freitas katak rekrutamentu ba administrador Sub Distritu no munisipiu ho mandatu tinan rua, kuandu remata bele prolonga to tinan 4 seluk fali maibe iha Lospalos agora maioria Militante CNRT.
Membru governu buka atu halo los maibe realidade lalos tamba iha lospalos, PD mak sai Ministru Fretilin nia ema sei asumu Kargu, Mudansa sae hasai hotu hela ida, agora Agora CNRT sae halo mos hotu kedas,” dehan Aurelio liu husi sesaun plenaria Tersa (26/04/2016) iha PN.
Nia husu Sekretariu Estadu Asuntu Parlamentar atu ejiji Ministeriu Estatal tenki hatan proposta rekrutamentu ba Administrador, ezemplu iha Lospolos Administrador sira agora maioria mai husi CNRT.
Iha fatin hanesan Xefi Bankada CNRT Natalino dos Santos hatete nia parte konkorda bolu Ministru Estatal Deonisio Babo atu esplika prosesu rekrutamentu ba Administrador iha Teritoriu Timor Laran tomak.
Hatan ba preokupasaun nee Sekretariu Estadu Asuntu Parlamentar Maria Terezinha Viegas hatete, nomeasaun ba Administrador postu sira tuir Ministru Estatal Deonisio Babo katak sira nia mandatu hotu iha 2015, maibe funsaun publika la konkorda atu halo nomeasaun foun. Informasaun kompletu iha STL Jornal no STL Web, edisaun Kuarta (27/4/2016). Timotio Gusmao
Suara Timor Lorosae