Organizasaun internasional haat jornalizmu nian hakerek ona iha semana ne'e ba primeiru-ministru timoroan, Rui Maria de Araújo, hodi apela atu hapara prosesu kriminal tanba difamasaun hasoru jornalista na'in rua no jornal ida timoroan nian.
Karta ne'ebé hakerek hosi Freedom House, hosi Committee to Protect Journalists, hosi South East Asia Journalist Unions no hosi International Federation of Journalists relasionadu ho kesar ida ne'ebé aprezenta hosi xefe Governu hasoru jornalista sira Oki Raimundos no Lourenço Martins no jornal Timor Post.
"Ami apela maka'as ba gabinete primeiru-ministru nian atu hasai kazu difamasaun hasoru jornalista sira Oki Raimundos ho Lourenço Martins no hasoru Timor Post", hakerek iha karta ne'e.
"Asaun sira ne'e halo fraku liberdade imprensa iha Timor-Leste iha komunidade internasional sira nia oin. Rekupera difamasaun kriminal iha kazu ne'e hanesan kontravensaun ida hosi tendénsia global no hosi hakat pozitivu sira rasik ne'ebé nasaun halo hodi apoiu média independente no forte ida", konsidera hosi karta ne'e.
Iha kauza maka notísia ida ne'ebé publika iha loron 10 Novembru liubá ne'ebé implika xefe atual Governu nian iha alegadu ba kazu korupsaun ida kona-bá prosesu ida, bainhira Rui Araújo sei serbisu iha Ministériu Finansa, hodi fó konteúdu sira hosi edifísiu foun hosi ministériu ne'e.
Artigu ne'e iha sala ba faktu sira ne'ebé jornal koriji tiha ona, no publika mós direitu ida hosi resposta gabinete Rui Araújo nian hanesan hatete iha Lei Imprensa nian.
"Maski nune'e desidi ona avansa ho prosesu ida tanba difamasaun ne'ebé bele reprezenta kastigu iha kadeia sira", hakerek iha karta ne'e.
"Ho Timor-Leste besik lansa ofisialmente nia Konsellu Imprensa, iha loron Liberdade Imprensa nian, 03 fulan-Maiu, komunidade hosi media internasional senti la fiar no preokupadu atu asaun ne'e bele avansa no apela maka'as atu suspende akuzasaun sira no hapara hodi uza ameasa legal sira hodi halo perseguisaun ba jornalista sira iha Timor-Leste", hatutan iha karta ne'e.
Bainhira ko'alia ho ajénsia Lusa, Raimundos Oki esplika ona katak iha audiénsia loron 11 "nia uza ona direitu nonook nian", la hatán ba pergunta sira hosi Ministériu Públiku, ne'ebé aplika ba nia Termu Identidade no Rezidénsia ne'ebé obriga atu nia fó hatete bainhira sai hosi nasaun ho durasaun liu loron 15.
"Agora daudaun ami seidauk simu akuzasaun. Iha de'it identifikasaun pesoal no aplikasaun TIR", nia hatete.
Jornalista senti "preokupadu tebes" ho kazu, hodi konsidera katak nia direitu fundamental sira "hetan bandu" no hahú hosi loron kesar nian, nia senti "tauk tebes" bainhira hakerek notísia ida.
"Maibé ha'u serbisu nafatin hanesan baibain", hatete hosi jornalista ne'e.
Organizasaun sira subliña katak Kódigu Penal timoroan nian la kriminaliza difamasaun bainhira hahú hala'o iha 2009 maibé kazu ne'e "hatudu kontradisaun hosi lei iha Timor-Leste ne'ebé uza loloos hodi lansa prosesu sira difamasaun nian ho métodu sira seluk".
"Espesífiku iha artigu 285 ne'ebé maka kazu ne'e aplika, ho klauzula hosi akuzasaun falsu ne'ebé tuir ami nia interpretasaun hanesan violasaun ida hosi artigu 41 konstituisaun nian (kona-bá liberdade imprensa nian) no hosi kompromisu hosi liberdade sira espresaun nian iha Timor-Leste hanesan signatáriu hosi Konvensaun Internasional ba Direitu Sivil no Polítiku sira nian (ICCPR)", refere hosi karta ne'e.
Artigu refere hosi Kódigu Penal hatete katak kastigu kadeia to'o tinan tolu no multa ba sé maka "liuhosi dalan ida, hasoru autoridade ka iha públiku, ho konsiénsia falsu hosi imputasaun, kesar ka lansa kona-bé ema ruma suspeitu hosi prátika krimi ida nian, ho intensaun katak sei halo prosedimentu kriminál hasoru ema ne'e, tenki hetan kastigu kadeia to'o tinan tolu ka multa".
"Ami insisti katak kesar tanba difamasaun hasoru Oki no Lourenço ameasa maka'as liberdade imprensa iha Timor-Leste, hamosu kultura ida tauk no intimidasaun nian entre jornalista sira ne'ebé hakerek kona-bá asuntu sira importánsia nasional nian", hatutan hosi karta ne'e.
Organizasaun haat apela nune'e ba xefe Governu timoroan nian hodi husu ba prokurador jerál atu suspende prosesu, konsidera mós reforma legal sira hodi "halakon artigu 285 no klauzula sira seluk ne'ebé halo fraku kompromisu konstitusional nasaun nian hodi proteje no promove liberdade imprensa nian".
SAPO TL ho Lusa – Foto: EPA / António Amaral