Partidu bot Timór nian halo ona konferénsia ida ho líder parlamentár hodi halo votasaun no eleisaun ba meza foun Parlamentu nian no hatuun sira-ninia deputadu rasik, Vicente da Silva Guterres hosi ninia kargu.
Natalino dos Santos, líder hosi bankada CNRT, dehan ba Lusa katak ohin halo ona rekerimentu ida hodi husu votasaun ba meza foun Parlamentu Nasionál nian, atu hodi hala’o konferénsia estraordinária ba líder nian.
“Bankada hato’o ona rekerimentu. Ida ne’e nu’udar desizaun polítika hosi partidu no bankada nian”, dehan.
Líder CNRT nian dehan katak intensaun hodi renova meza Parlamentu tanba partidu refere “lakon ona konfiansa polítika” ba prezidente Vicente da Silva Guterres, ne’ebé hosi mos CNRT no tanba fin hosi bloku koligasaun Partido Democrático (PD).
Meza atuál kompostu hosi elementu CNRT haat - Vicente da Silva Guterres, visi-prezidente ida mos, Adérito Hugo da Costa, ho sekretária rua, Ângela Sarmento ho Maria Fernanda Lay – inklui element PD rua - Adriano do Nascimento, visi-prezidente ho Angelina Machado de Jesus, sekretária.
“Meza ne’e iha tanba koligasaun. Iha 11-marsu CNRT desidi atu hasai PD hosi Bloku Kolusaun ne’ebé apoia Governu to’o 2017, no tanba laiha ona koligasaun maka tenke altera mos meza refere”, dehan.
Husu kona-ba motivu ne’ebé halo hodi partidu lafó fi’ar ba Prezidente Parlamentu Nasionál, Natalino dos Santos dehan katak ida ne’e hanesan desizaun partidária.
"Hafoin ami halo avaliasaun, partidu ne’e lakon ona konfiansaun polítika ne’ebé fó ba iha prezidente Parlamentu Nasionál. Ida ne’e hanesan desizaun hosi Konsellu Polítika Nasionál no desizaun polítika. Ami-ninia militante sira tenke hakruk ba orientasaun polítika", dehan.
"Nia tuun de’it hosi kargu hanesan responsável. Sei lahasai hosi partidu ka militante", dehan tan.
Iha semana hirak ikus ne’e, CNRT ladun satisfas ho Vicente da Silva Guterres, liu-liu hosi militante no dirijente partidu nian, tanba haree prosimidade entre líder parlamentár no Prezidente Repúblika Taur Matan Ruak.
Sira husu mos karik Vicente da Silva Guterres hasoru malu ho xefe Estadu bainhira mosu problema entre Prezidénsia ho Governu, iha fulan fevereiru liu ba, tanba halo mudansa ba komando forsa Defeza nian.
Vicente da Silva Guterres iha tempu ne’ebá hasoru malu duni ho Taur Matan Ruak iha Maliana, maibé ida ne’e nu’udar pedidu bankada nian ba prezidente Parlamentu rasik, hodi sai hanesan manu-talin ba problema polítika refere.
Liu tiha loron hira, hafoin mosu polémika iha Parlamentu Nasionál, hodi halo diskursu kritika líder rua hosi partidu bot CNRT no Fretilin, inklui parlamentu rasik, Taur Matan Rauk elojia Vicente da Silva Guterres.
"Ha’u hato’o obrigadu ba señór prezidente Parlamentu Nasionál hodi bá to’o iha enkontru ne’ebé ha’u hala’o iha Maliana. Afinál, hosi ema ne’ebé barak, sei iha ema umilde, no laran di’ak", dehanTaur Matan Ruak.
Dalaruma liafuan hosi Taur Matan Ruak nian ne’ebé halo krítika polítika maka’as hasoru dirijente timor-oan sira, lamonu ba CNRT nia-laran, hanesan uluk kontra prezidente parlamentu.
Tuir fonte hosi CNRT haktuir ba Lusa katak dalaruma atu hili visi-prezidente Adérito Hugo da Costa, eis-jornalista, maka sai nu’udar prezidente Parlamentu Nasionál foun, no ninia visi-prezidente maka deputadu Duarte Nunes, hodi troka Adriano do Nascimento.
SAPO TL ho Lusa
“Bankada hato’o ona rekerimentu. Ida ne’e nu’udar desizaun polítika hosi partidu no bankada nian”, dehan.
Líder CNRT nian dehan katak intensaun hodi renova meza Parlamentu tanba partidu refere “lakon ona konfiansa polítika” ba prezidente Vicente da Silva Guterres, ne’ebé hosi mos CNRT no tanba fin hosi bloku koligasaun Partido Democrático (PD).
Meza atuál kompostu hosi elementu CNRT haat - Vicente da Silva Guterres, visi-prezidente ida mos, Adérito Hugo da Costa, ho sekretária rua, Ângela Sarmento ho Maria Fernanda Lay – inklui element PD rua - Adriano do Nascimento, visi-prezidente ho Angelina Machado de Jesus, sekretária.
“Meza ne’e iha tanba koligasaun. Iha 11-marsu CNRT desidi atu hasai PD hosi Bloku Kolusaun ne’ebé apoia Governu to’o 2017, no tanba laiha ona koligasaun maka tenke altera mos meza refere”, dehan.
Husu kona-ba motivu ne’ebé halo hodi partidu lafó fi’ar ba Prezidente Parlamentu Nasionál, Natalino dos Santos dehan katak ida ne’e hanesan desizaun partidária.
"Hafoin ami halo avaliasaun, partidu ne’e lakon ona konfiansaun polítika ne’ebé fó ba iha prezidente Parlamentu Nasionál. Ida ne’e hanesan desizaun hosi Konsellu Polítika Nasionál no desizaun polítika. Ami-ninia militante sira tenke hakruk ba orientasaun polítika", dehan.
"Nia tuun de’it hosi kargu hanesan responsável. Sei lahasai hosi partidu ka militante", dehan tan.
Iha semana hirak ikus ne’e, CNRT ladun satisfas ho Vicente da Silva Guterres, liu-liu hosi militante no dirijente partidu nian, tanba haree prosimidade entre líder parlamentár no Prezidente Repúblika Taur Matan Ruak.
Sira husu mos karik Vicente da Silva Guterres hasoru malu ho xefe Estadu bainhira mosu problema entre Prezidénsia ho Governu, iha fulan fevereiru liu ba, tanba halo mudansa ba komando forsa Defeza nian.
Vicente da Silva Guterres iha tempu ne’ebá hasoru malu duni ho Taur Matan Ruak iha Maliana, maibé ida ne’e nu’udar pedidu bankada nian ba prezidente Parlamentu rasik, hodi sai hanesan manu-talin ba problema polítika refere.
Liu tiha loron hira, hafoin mosu polémika iha Parlamentu Nasionál, hodi halo diskursu kritika líder rua hosi partidu bot CNRT no Fretilin, inklui parlamentu rasik, Taur Matan Rauk elojia Vicente da Silva Guterres.
"Ha’u hato’o obrigadu ba señór prezidente Parlamentu Nasionál hodi bá to’o iha enkontru ne’ebé ha’u hala’o iha Maliana. Afinál, hosi ema ne’ebé barak, sei iha ema umilde, no laran di’ak", dehanTaur Matan Ruak.
Dalaruma liafuan hosi Taur Matan Ruak nian ne’ebé halo krítika polítika maka’as hasoru dirijente timor-oan sira, lamonu ba CNRT nia-laran, hanesan uluk kontra prezidente parlamentu.
Tuir fonte hosi CNRT haktuir ba Lusa katak dalaruma atu hili visi-prezidente Adérito Hugo da Costa, eis-jornalista, maka sai nu’udar prezidente Parlamentu Nasionál foun, no ninia visi-prezidente maka deputadu Duarte Nunes, hodi troka Adriano do Nascimento.
SAPO TL ho Lusa