Prezidente petrolíferu australianu Woodside hatete iha relatóriu anuál 2015 nian hosi empreza katak governu sira Timor-Leste ho Austrália nian tenki "aliña" hodi halo avansa dezenvolvimentu hosi projetu gás Greater Sunrise nian.
"Durante tinan [2015] Woodside kontinua envolve ho governu Austrália no Timor-Leste kona-bá oportunidade sira hosi dezenvolvimentu Sunrise nian", refere hosi Michael Chaney, iha mensajen ba asionista sira.
"Ami empeñadu nafatin iha projetu maibé ami presiza aliñamentu hosi Governu hodi garanti loloos iha investimentu futuru", nia hatete.
Mensajen ne'e hanesan loloos ho mensajen ne'ebé husik tiha ona iha relatóriu trimestral ikus sira, hodi konfirma avansu ruma hosi tema ne'e.
Iha tinan 2015, Woodside, hanesan operador hosi konsórsiu Sunrise nian, "mantén kompromisu sira" kona-bá nia obrigasaun sira no kontinua nia atividade sira investimentu nian", refere hosi relatóriu.
Kampu sira hosi Greater Sunrise, lokalizadu iha 1974, iha rezerva sira ne'ebé ho folin triliaun 5,1 tuir kúbiku gás nian no lokalizadu iha tasi Timor nian, besik kilómetru 150 hosi sudeste Timor-Leste nian no kilómetru 450 hosi noroeste Darwin nian, iha Austrália.
Konsesaun hosi Greater Sunrise kontrola hosi Woodside (operador ho 33%) ne'ebe hamutuk ho ConocoPhillips, Royal Dutch Shell ho Osaka Gas.
Projetu, atrazu ho problema iha definisaun ba fronteira tasi sira nian entre Timor-Leste ho Austrália no ho opiniaun la hanesan kona-bá modelu refinasaun nian, kontinua nafatin ho loron ne'ebé seidauk loos.
Iha polémiku nia kotuk kona-bá Sunrise iha Tratadu kona-bá Determinadu Ajuste Tasi nian iha Tasi Timor (CMATS), asina entre Díli ho Canberra maibé Timor-Leste deklara ona inválidu tanba atividade sira espionajen ne'ebé halo hosi Austrália. Hosi tratadu ne'e, "royalties" hosi kampu Greater Sunrise nian karik sei fahe entre nasaun rua ne'e.
Bainhira defini fronteira tasi nian, kampu ne'e karik sei hela tomak ba bee timoroan nian.
Iha mós kestaun seluk maka konstrusaun hosi unidade ida prosesamentu Gás Natural Líkidu (GLN) iha kosta súl illa nian, opsaun ne'ebé Governu timoroan seidauk haluha no insisti atu sai baratu liu, halo tiha ona investimentu sira iha zona.
Investimentu sira ne'e tenki habelar iha ámbitu asinatura nian, iha fulan-Agostu tinan liubá, hosi kontratu boot liu iha istória nasaun nian, ho dolár millaun 720, ho koreanu Hyundai Engineering & Construction maka harii unidade tomak apoiu nian iha súl.
Projetu ne'e, koñesidu ho naran Tasi Mane, agora daudaun iha mós problema hafoin Kámara Konta rekuza tiha vistu préviu ba kontratu, desizaun ne'ebé Governu timoroan hato'o ona ba Tribunal Rekursu.
Iha loron-kinta ne'e Woodside hala'o ona nia asembleia-jeral asionista sira nian, marka ona ho votu negativu 27% hosi asionista sira ba planu remunerasaun hosi diresaun, liuliu hafoin diminuisaun foun iha rezultadu sira iha trimestre dahuluk tinan ne'e.
Reseita sira tuun 30% iha trimestre dahuluk, iha termu hanesan sira no relasionadu ho 2015, ba dolár millaun 982, aat liu ba dala rua iha rejistu trimestral iha tinan lima ikus ne'e.
SAPO TL ho Lusa
SAPO TL ho Lusa