Autoridade japonés sira atualiza númeru ema mate tanba rai-nakdoko iha sudoeste Japaun, sa’e ba 41, maybe sei iha kanek barak iha edifísiu sira monu nia okos no númeru ne’e bele sa’e.
Rejiaun Kumamoto, iha illa Kyushu, akontese rai-nakdoko maka’as iha oras 48 ikus ne’ebé provoka destruisaun, inséndiu no rai-halai.
"Ita hatene katak iha ema iha edifísiu sira be monu nia okos iha fatin barak. Polísia, bombeiru no forsa autodefeza sira [ezérsitu] halo hela buat hotu hodi bele tulun sira", tenik portavós governu nian, Yoshihide Suga, iha konferénsia imprensa.
Pelumenus ema rihun hetan kanek, 184 hosi sira ne’e todan, haktuir autoridade lokál sira.
Rezidente 90.000 resin iha rejiaun sai hosi sira-nia hela-fatin, entre sira ne’e abitante 300 hosi zona mota, besik iha barrajen iha risku ba rotura.
"Uluk liu ita tenke salva vida, ita tenke halo lalais", tenik primeiru-ministru, Shinzo Abe, ne’ebé kansela tiha vizita ba zona no konvoka konsellu krize nian, hafoin fó orden ba militár 20.000 ba rejiaun refere.
Ida ikus no forte liu, ho magnitude 7,3 iha eskala Richter, akontese iha horisehik madrugada iha episentru profundidade kilómetru 10 iha kosta osidentál illa Kyushu, iha liu súl hosi prinsipál illa japonés haat.
Rai-nakdoko dahuluk, ho magnitude 7,0, akontese iha loron-kinta iha zona ne’ebé hanesan, hamate ema na’in sanulu no 1.126 hetan kanek no obriga ema 44.000 husik hela sira-nia hela-fatin.
Horikedas rai-nakdoko dahuluk rejista replica 300 resin iha rejiaun Kumamoto no Oita.
Ajénsia alerta ba probabilidade rei sei nakdoko tan, balun ho intensidade boot, no ba risku rai-halai tan, tanba previzaun udan-boot maka’as durante findesemana iha rejiaun.
SAPO TL ho Lusa
"Ita hatene katak iha ema iha edifísiu sira be monu nia okos iha fatin barak. Polísia, bombeiru no forsa autodefeza sira [ezérsitu] halo hela buat hotu hodi bele tulun sira", tenik portavós governu nian, Yoshihide Suga, iha konferénsia imprensa.
Pelumenus ema rihun hetan kanek, 184 hosi sira ne’e todan, haktuir autoridade lokál sira.
Rezidente 90.000 resin iha rejiaun sai hosi sira-nia hela-fatin, entre sira ne’e abitante 300 hosi zona mota, besik iha barrajen iha risku ba rotura.
"Uluk liu ita tenke salva vida, ita tenke halo lalais", tenik primeiru-ministru, Shinzo Abe, ne’ebé kansela tiha vizita ba zona no konvoka konsellu krize nian, hafoin fó orden ba militár 20.000 ba rejiaun refere.
Ida ikus no forte liu, ho magnitude 7,3 iha eskala Richter, akontese iha horisehik madrugada iha episentru profundidade kilómetru 10 iha kosta osidentál illa Kyushu, iha liu súl hosi prinsipál illa japonés haat.
Rai-nakdoko dahuluk, ho magnitude 7,0, akontese iha loron-kinta iha zona ne’ebé hanesan, hamate ema na’in sanulu no 1.126 hetan kanek no obriga ema 44.000 husik hela sira-nia hela-fatin.
Horikedas rai-nakdoko dahuluk rejista replica 300 resin iha rejiaun Kumamoto no Oita.
Ajénsia alerta ba probabilidade rei sei nakdoko tan, balun ho intensidade boot, no ba risku rai-halai tan, tanba previzaun udan-boot maka’as durante findesemana iha rejiaun.
SAPO TL ho Lusa