Ministru Justisa, Ivo Valente, sei iha Lisboa, iha loron 19 no 20 Abril hodi partisipa iha abertura reuniaun internasionál rua, hanesan Prezidente Konferénsia Ministru Justisa sira CPLP nian.
Ministru Ivo Valente sei partisipa iha abertura reuniaun Konsellu Superiór sira área Justisa nian iha loron 19 Abril 2016. Serimónia abertura, ne’ebé sei hala’o iha Supremu Tribunál Justisa Portugál nian, sei preside hosi Prezidente Repúblika Portugeza, Marcelo Rebelo de Sousa, no sei konta mós ho intervensaun Prezidente Konsellu Superiór Majistratura no Prezidente Supremu Tribunál Justisa Portugál nian, António Silva Henriques Gaspar, Ministra Justisa Portugál nian, Francisca Van Dunem.
Iha loron 20 Abril 2016, ministru timoroan ne’e sei halo diskursu iha sesaun abertura iha 2.ª Reuniaun Pontu Kontaktu Rede Judisiária CPLP nian. Rede ne’e kria iha fulan-novembru 2005 no konstitui hosi reprezentante sira (“pontu kontaktu sira”) dezigna hosi Estadu membru no hatudu hosi respetivu Ministériu Justisa, Ministériu Públiku no Prokuradoria Jerál, nune’e mós hosi organizmu judicial sira.
Hosi Timor-Leste, sei marka prezensa Diretór-Jerál Ministériu Justisa nian, Henrique de Oliveira Ximenes, Juís Direitu Majistratura Judisiál nian, Antonino Gonçalves, no Adjunta Prokuradór-Jerál Repúblika nian, Zélia Trindade.
Iha rohan hosi reuniaun ne’e sei asina Memorandu Entendimentu entre Konferénsia Ministru Justisa sira hosi Nasaun Lian Ofisiál Portugés sira no Konferénsia Ministru Justisa sira hosi Nasaun Ibero-amerikanu sira (COMJIB), ne’ebé sei reprezenta hosi nia Sekretáriu-Jerál, Arkel Benítez Mendizábal.
Sei realiza mós enkontru servisu nian ho Sekretáriu Ezekutivu CPLP nian, Embaixadór Murade Murargy no ho prezidente Komisaun ASEAN nian iha Lisboa, Embaixadór Philippe J. Lhuillier.
Ministru Ivo Valente sei vizita Institutu Rejistu no Notariadu portugés, ne’ebé iha tempu badak sei simu asaun formasaun iha fulan balun, ba notáriu no konservadór estajiáriu timoroan sira, iha ámbitu Protokolu Kooperasaun entre Ministériu Justisa Timor-Leste ho Portugál nin, ne’ebé asina iha 25 fevereiru 2016.
SAPO TL ho Portál Governu Timor-Leste nian
Iha loron 20 Abril 2016, ministru timoroan ne’e sei halo diskursu iha sesaun abertura iha 2.ª Reuniaun Pontu Kontaktu Rede Judisiária CPLP nian. Rede ne’e kria iha fulan-novembru 2005 no konstitui hosi reprezentante sira (“pontu kontaktu sira”) dezigna hosi Estadu membru no hatudu hosi respetivu Ministériu Justisa, Ministériu Públiku no Prokuradoria Jerál, nune’e mós hosi organizmu judicial sira.
Hosi Timor-Leste, sei marka prezensa Diretór-Jerál Ministériu Justisa nian, Henrique de Oliveira Ximenes, Juís Direitu Majistratura Judisiál nian, Antonino Gonçalves, no Adjunta Prokuradór-Jerál Repúblika nian, Zélia Trindade.
Iha rohan hosi reuniaun ne’e sei asina Memorandu Entendimentu entre Konferénsia Ministru Justisa sira hosi Nasaun Lian Ofisiál Portugés sira no Konferénsia Ministru Justisa sira hosi Nasaun Ibero-amerikanu sira (COMJIB), ne’ebé sei reprezenta hosi nia Sekretáriu-Jerál, Arkel Benítez Mendizábal.
Sei realiza mós enkontru servisu nian ho Sekretáriu Ezekutivu CPLP nian, Embaixadór Murade Murargy no ho prezidente Komisaun ASEAN nian iha Lisboa, Embaixadór Philippe J. Lhuillier.
Ministru Ivo Valente sei vizita Institutu Rejistu no Notariadu portugés, ne’ebé iha tempu badak sei simu asaun formasaun iha fulan balun, ba notáriu no konservadór estajiáriu timoroan sira, iha ámbitu Protokolu Kooperasaun entre Ministériu Justisa Timor-Leste ho Portugál nin, ne’ebé asina iha 25 fevereiru 2016.
SAPO TL ho Portál Governu Timor-Leste nian