Servisu Saude Munisipiu Dili (SSMD) ativa hikas programa fahe aihan suplementu ba inan isin rua, inan fo susu no ba labarik tinan lima mai kraik ne’ebe ho kazu mal nutrisaun.
iretora Servisu Saude Munisipio Dili (SSM), Agustina da Costa Saldanha, hateten distribuisaun aihan suplementu hahu kedas ona iha fulan Janeiru tinan 2016 ne’e.
“Hahu fulan Janeiru ita implementa fali ona iha fasilidade saude sira, ajuda rekopera fila fali inan isin rua, inan fo susu no labarik sira ne’ebe identifika ho kondisaun mal nutrisaun,” Diretora Saldanha hateten, iha servisu fatin, Bairo Formosa, Dili.
Nia hatutan, aihan suplementu ne’e hetan apoiu husi organizasaun internasional World Food Program (WFP) no Kompanha Timor Vital.
Nia dehan, antes ne’e programa ne’e implementa tiha, maibe paradu durante tinan rua, tanba produsaun laiha inklui problema tekniku.
Iha fatin hanesan Koordenador Programa Nutrisaun SSMD, Francisco da Silva, hateten aihan suplementu iha oin tolu ; mak batar uut, ready to use suplementary food (RUSF) no ready to use therapeutic food (RUTF).
“Inan isin rua no fo susu sira ne’ebe nia liman kabun menus husi 28, 9 cm merese hetan batar uut no labarik sira ne’ebe liman kabun 11,5 cm tanba sira nia status nutrisaun la stabil,” nia esplika.
Nia hatutan, mal nutrisaun ida moderadu ne’e sei hetan aihan suplementu RUSF, ho objetivu atu prevene labarik sira labele monu ba mal nutrisaun grave, enkuantu sira ne’ebe ho mal nutrisaun grave sei hetan aihan RUTF, atu halo tratamentu no rekopera hikas sira.
Ba labarik sira ne’ebe mal nutrisaun ho moras komplikasaun, nia dehan, sei hetan uluk tratamentu, depois mak hetan aihan suplementu sira ne’e hodi rekopera sira nia estatutu nutrisaun.
Entretantu Diretora organizasaun Hamutuk Ita Ajuda Malu (HIAM) Health, Rosaria Martins da Cruz, hateten programa ida ne’e diak tebes, tanba atu prevene labarik sira ne’ebe moris ho mal nutrisaun no ajuda sira rekopera.
Nia dehan, programa ne’e positive tebes maibe presiza hadia nia implementasaun, liu –liu edukasaun ba pasientes kona ba importansia aihan suplementu ne’e no nia metodu tein.
“Ita rona komunidade sira uza aihan suplementu sira ne’e sai fali shearing food iha familia, fo han animal tanba laiha esplikasaun ida klaru ba sira kona ba aihan sira ne’e no oinsa tein,” nia hateten.
“Ita rona komunidade sira uza aihan suplementu sira ne’e sai fali shearing food iha familia, fo han animal tanba laiha esplikasaun ida klaru ba sira kona ba aihan sira ne’e no oinsa tein,” nia hateten.
Alende ne’e, nia mos sujere, ba ministerio relevantes atu kria atividade demonstrasaun tein nian iha komunidade nia leet kada fulan, eduka komunidade sira kona ba tein aihan komplementar diak ba saude.
The Dili Weekly