DILI – Fulan tolu nia laran ona Governu gasta osan miliaun ba miliaun ba F-FDTL no PNTL hodi buka tuir Prezidente Konselu Revolusionariu Maubere (KRM) Mauk Moruk, maibe too agora seidauk iha nia rejultadu.
Tuir Eis gerileiru, Fransisco Guteres Lu Olo, ba jornalista sira iha edifisiu Ministeriu negosiu Estranjeiru (MNEC) Sesta (24/07) hatete operasaun nebe mak halo hosi F-FDTL no PNTL nee kleur demias liu ona.
Problema ida Mauk Moruk nian nee problema ida neebe mak kleur demais liu ona maske ita hatun forsa barak nomos lakon osan barak ba operasaun nee mos laiha rejultadu tanba nee hau hanoin governu tenke hare fali forma ida neebe mak diak hodi bele rejolve problema ida nee hanesan dialogu,” dehan Lu Olo.
Nia mos hatutan tan katak maske karik Mauk Moruk intrega an ba governu liu hosi dalan dialogu maibe keta haluha mos justisa tanba hakarak ka lakohu Mauk Moruk tenke ba hatan hodi responsabiliza ba krime neebe mak mauk Moruk rasik hamutuk ho nia membru sira halo ona hasoru Estadu ida nee mak importante liu.
Iha fatin ketak tuir Eis Vise Primeiru Ministru, Mario Viegas Carascalao, katak Mauk Moruk tenke tuir estadu nia hakarak, tanba nia viola ona lei tanba nee hakarak ka lakohi tenke intrega an hodi submete ba justisa. Informasaun kompletu iha STL Jornal no STL Web, edisaun Sabado (25/7/2015). Thomas Sanches