Rezultadu Estatistika Nasional, Diresaun Ekonomia Sosial, fo sai katak maioria populasaun iha teritoriu Timor laran tomak konsumu fos importasaun ka mai husi rai liur.
Direktora Nasional Estatistika Ekonomia Sosial, Paulina R. da Cruz Viegas katak, Diresaun nasional Ekonomia Sosial kada fulan sempre fo sai rejultadu indise presy merkadu ba publiku, tanba ne’e maka tuir sira nia monitorizasaun iha merkadu hatudu katak maioria TL konsumu fos importasaun.
“Tuir peskija katak Povu TL barak liu mak konsumu fos Importasaun, tanba ita dependente ba importasaun, kona ba fos lokal rasik so tempu hare mak komunidade sira konsumu, nune’e mos kona ba aihan sira seluk hanesan modo tahan kuandu tempu entaun ninia presu ne’e tun, mais la’os ninia tempu konserteza presu sa’e,” informa Direktora ne’e ba Jornalista sira iha ninia kna’ar fatin, Caicoli, Dili, Tersa (21/07/2015).
Nia haktuir tan, objetivo kada fulan Diresaun Jeral Estatistika fo sai rejultadu peskija ne’e katak, hodi hatene mudansa presu iha merkadu.
“Ita hotu hatene katak, Diresaun Ekonomia Sosial kada fulan-fulan aprejenta rejultadu indise presu ba iha Publiku, objetivo husi Indise presu para hodi hatene mudansa presu merkadu iha Municipiu hitu ne’ebe mak fo sai hanesan exemplu. Municipiu hitu ne’e maka hanesan, Dili, Ermera, Oecusse, Manufahi, Ainaro no Bobonaro, durante ne’e aihan ne’ebe mak konsumu barak liu maka Fos, tanba sai hanesan kunsumu lor-loron ba Povu TL, tanba ne’e mak aihan principal, maibe mos iha Item seluk hotu.
Item sira ne’e maka hanesan aihan ba uma, Alkohol , Vegetable, Bebidas buat sira ne’e hot mak sai hanesan item ne’ebe mak fulan-fulan ami fo sai rezultadu.
Direktora ne’e hatutan tan, Indise presu tinan 2015 iha fulan Julhu nian maka 0,0 pursentu, bainhira halo komparasaun fulan Junhu iha tinan kotuk 1,4 pursentu. mia
Jornal Nacional