Copa 12 Novembru iha oitavo finais enter ekipa FC UNTL kontra FC Porto Taibessi nebe halao iha Sesta (24/7) iha Estadiu Municipal nee klubu rua hadau malu tiket ba semi final.
Klubu rua nee, ida idak ho optimista sei hakat ba semi final tamba fiar ba ida idak ninia ekipa jogador sira.
Treinador klube Universidade Nacional Timor lorosa’e (UNTL FC) Jorge Freitas deklara ba jornalista sira katak, jogador ekipa UNTL FC preparadu atu bele joga kontra ho ekipa jogador FC Porto Taibessi.
“ami nia estrategia ba jogu hasoru ekipa FC Portu Taibesi ne’e mak ami sei uza formasi rua, primeiru mak 4 – 4 – 2 no Segundo formasi mak 4 – 3 – 3, maibe hau labele dehan sai antes katak ami atu uza los formasi ida ne’ebe, tanba ne’e nuudar mos parte teknika husi ema ida nuudar treinador clube ninian ne’ebe sei ladehan sai no iha parte seluk mak hare ba jogador husi ekipa FC PORTO TAIBESI ne’e, ita hotu hatene katak kuaze sira nia jogador maioria mai husi jogador senior no iha esperencia ne’ebe mak klean tebes, entaun ami labele koalia sai antes ne’ebe hein joga entre ekipa rua ne’e hahu mak ita hotu assiste no bele hatene jogu ne’e ninia formasi lolos.” “dehan treinador Jorge Freitas”.
Nunee mos Olegario nuudar jogador vice kapitaun ekipa tama ona top score provizorio hateten, nuudar jogador ne’ebe mak kaer titulu melhor marca – dor, “hau laos intensaun atu hatama tan golu nune’e bele hetan titulo melhor marca – dor ka top score iha COPA 12 de Novembro ne’e maibe importante liu no objetivo principal mak, oinsa halo esforsu makaas nune’e UNTL bele manan FC Porto Taibesi.” Dehan Olegario.
Iha fatin hanesa, adjunto treinador FC Porto Taibesi Agostinho hateten ba jornalista sira katak, nia ekipa sempre pronto iha qualquer tempu, kona – ba preparasaun ne’e maximu no la iha mudansa tanba jogadores sempre treinu lor – loron, ne’ebe iha esperanca boot katak sei manan ka hetan rezultadu diak iha jogu ne’e, no laos hanesan clube seluk seluk ne’ebe ho nia preparasaun minimu ka besik tama eventu nee mak foin treinu.
“Depende mos ba sorti, ne’ebe kona – ba manan ka lakon ne’e, ne’ebe jogu entre ekipa rua ne’e depois mak ita haree tok durante minute 90 nia laran, tanba bola ne’e kabuar.” “adjunto treinador Agostinho haktuir”Ito
Jornal Nacional