DILI - Partidu opozisaun Fretilin propoin ba meja Parlamentu Nasional (PN) atu halo ajenda hodi hasai rezolusaun Parlamentu, hodi fo apoiu asaun demostrasaun neebe povu Timor Leste halo hasoru Australia ba negosiasaun fronteira maritima.
Tuir Xefi Bankada Fretilin Aniceto Guterres liu husi sesaun plenaria Tersa (29/03/2016) iha PN katak asaun demostrasaun neebe povu no estudante Timor Leste halo reprezenta estadu Timor Leste, konaba negosiasaun fronteira maritima.
Hau propoin ba Parlamentu atu halo rezolusaun hodi fo apoiu ba asaun demostrasaun hodi reforsa tan governu nia esforsu ba negosiasaun fronteira maritima ho Australia,” dehan Dehan Aniceto.
Nia hatete rezolusaun neebe mak Parlamentu hasai hodi fo apoiu tomak ba asaun demostrasaun, nomos Governu nia esforsu neebe reprezenta estadu Timor Leste ba fronteira Maritima, atu nune povu Timor Leste bele hetan lia los.
Iha fatin hanesan Deputada Bankada CNRT Domingas da Silva Bilou Mali hatete asaun demostrasaun neebe Timor oan sira halo husu PN atu reforsa, tamba direitu Timor oan tomak nian. Informasaun kompletu iha STL Jornal no STL Web, edisaun Kuarta (30/3/2016). Timotio Gusmao
Suara Timor Lorosae