DILI - Fundu Infrastrutura neebe Prezidente Republika Taur Matan Ruak husu Tribunal Rekursu (TR), atu hare tuir Konstitusional, semena kotuk Tribunal fo sai ona desizaun katak fundu nee la inkonstutisonal nunee impaktu ba Orsamentu Jeral Estadu (OGE) 2016 hein relatoriu trimestral.
Tuir Vise Prezidente Parlamentu Nasional (PN) Aderito Hugo katak Ejekusaun Orsamentu governu infrenta hela impedementu ida, tamba PR husu Tribunal Rekursu konaba OJE 2016 hodi husu Tribunal nia konstitusionalidade ba iha fundu infrastrutura.
Orsamentu neebe mak koloka iha fundu infrastrutra ninia ejekusaun demora oituan no iha kinta semana kotuk tribunal hasai akordaun laiha inkonstitusionalidade, tan nee governu foin halo ajustamentu hodi halo ninia ejekusaun,” dehan Hugo ba Jornalista Kinta (17/03/2016) iha Parlamentu Nasional.
Hugo hatete iha duni impedementu oituan entermus ejekusaun, tuir regra governu iha tan fulan rua atu aprezenta relatoriu ejekusaun primeiru trimesral, tan nee fulan Maio mak governu foin aprezenta relatoriu Primeiru Trimestral.
Iha fatin hanesan Deputadu Bankada PD Paulino Monteiro hatete, Parlamentu seidauk simu relatoriu ejekusaun Orsamentu Jeral Estadu 2016, tamba nee seidauk bele fo komentariu ba publiku. Informasaun kompletu iha STL jornal no STL Web, edisaun Sesta (18/3/2016). Timotio Gusmao
Suara Timor Lorosae