DILI – Funsionariu Publiku maioria estres tanba sistema servisu iha administrasaun publiku nian dalabarak muda tun sae, husi membru governu sira wainhira asumi kargu tanba iha intrese.
Preokupasaun nee hatoo husi Paulo da Concecao, ba STL iha Centru Convensaun Dili (CCD) wainhira remata Seminariu Nasional Funsaun Publiku nian neebe mak ho tema “Funsaun Publika Timor Leste Iha Neebe Ona Oras Nee” Kuarta (16/03/2016).
Sistema nee dalaruma halo ita mak estres laos sistema hotu iha funsaun publika la diak hotu nee la los maibe iha balu mak lao la tuir ona nia dalan tanba ukun nain sira ida-ida halo tuir nia hakarak izemplu ema neebe mak servisu kleur hahu husi tinan 2001 too agora mak nafatin deit maibe balu foin tama tanba deit nia kolega partidu ou familia entaun level sae liu fali ema neebe mak iha esperensia kleur,” dehan Paulo.
Nia hatutan laos nee deit iha servisu barak mak la lao laos tanba funsionariu publiku sira laiha kapaisdade, maibe tanba deit ema neebe mak ho kargu politiku hanesan diretor nomos sefe departamentu balu mak la hatene halao servisu no la komprende sistema servisu nian tanba nee mosu failansu oin-oin.
Iha fatin hanesan, Grigorio Nunes de Fatima, mos hatete katak iha funsionariu barak mak laiha mudansa ba salariu maske servisu durante tinan 10 resin ona no iha esperensia neebe mak barak tanba deit laiha maluk. Informasaun kompletu iha STL jornal no STL Web, edisaun Kinta (17/3/2016). Thomas Sanches
Suara Timor Lorosae