DILI – Ministru Defeza Cirilo Cristovao hatete se mak halo krime iha rai laran, maka sei simu ninia konsekuensia tanba sei hasoru Polisia nomos F-FDTL.
Deklarasaun nee fo sai husi Ministru Defeza, Cirilo Cristovao, ba jornalista sira iha Palacio Governu Sigunda (14/03/2016), wainhira remata enkontru ho Primeiru Ministru, Rui Maria de Araujo konaba siguransa rai laran.
Iha ema ida rua mak sei kontinua halo krime iha sidade Dili laran maibe Polisia kontinua halo patrolia durante 24 oras nia laran neebe hetan mos apoiu husi Polisia Militar atu bele fo sigurasna ba povu sira hodi moris hakmatek no iha ema ida rua mak kontinua halo aktu neebe mak laiha responsabilidade maibe hau apela ba sira katak sira sei hasoru Forsa no Polisia hodi responsabiliza ba sira nia hahalok,” dehan Cirilo.
Nia hatutan oras nee siguransa iha rai laran normal tanba populasaun tomak mak moris iha hakmatek nia laran, no nia mos husu ba komondiade tomak atu kopera hamutuk ho Polisia nomos Forsa wainhira hetan ema neebe mak kontinua halo krime, hodi provoka situasaun rai laran.
Iha fatin hanesan liu husi enkontru nee Primeiru Ministru, Rui Maria de Araujo, husu ba Polisia Nasional Timor Leste (PNTL) atu kontinua mantein nafatin siguransa iha rai laran, liu husi undiade oin-oin hodi bele fo protesaun ba povu tomak iha rai laran. Informasaun kompletu iha STL jornal no STL Web, edisaun Tersa (15/3/2016). Thomas Sanches
Suara Timor Lorosae