Prezidente Joko Widodo, ohin fó ona ajuda ba prosesu rekonsiliasaun Palestina, bainhira hahú ho simeira estraordinária hosi Organizasaun Ba Koperasaun Islámika (OCI), tuir meiu komunikasaun lokál fó sai.
“Indonézia prepara atu ajuda prosesu rekosiliasaun ne’e”, dehan Widodo, durante diskursu ba abertura hosi simeira refere, iha Jakarta, tuir ajénsia Antara fó sai.
Delegadu besik 500 no nasaun membru OCI 49 maka halo parte iha enkontru ne’ebé realiza bazeia ba pedidu Palestina nian, tanba mosu konflitu iha Israel nomós teritóriu seluk ne’eb’e sira okupa ba, desde outubru.
Iha reuniaun ne’e marka mos prezensa hosi reprezentante Quarteto ba Médiu Oriente -- Estadus Unidus, Rúsia, Nasoens Unidas ho Uniaun Europeia – ho Konsellu Seguransa ONU.
Prezidente Indonézia hatudu ninia preokupasaun kona-ba situasaun grave iha rejiaun refere, taba iha fulan lima ikus ne’e hamate ona ema 200 resin.
Nia haktuir mos kona-ba “kastigu koletivu” no medida “unilaterál ho ilegál” hosi Israel, inklui restrisaun hodi tama ba meskita Al-Aqsa Jerusalém, hanesan buat ne’ebé fó sofrimentu ba povu palestina.
"Palestina-oan sira laiha forsa. Situasaun umanitária iha teritóriu ne’ebé okupadu at liu", tenik Widodo, hanesan apelu ida ba unidade.
“Ita tenke hasoru problema ne’e hamutuk. Atu luta, unidade maka importante liu. Ita tenke hamutuk. Palestina tenke iha unidade. Palestina tenke halo rekonsiliasaun”, nia hatutan.
Hein katak iha finál hosi sorumutu refere hakotu ho rezolusaun nomós deklarasaun ida ne’ebé afirma hikas pozisaun hosi nasaun membru OCI, hodi apoia Palestina ninia independénsia.
Desde 1-outubru, palestina-oan 186 maka mate, tersu rua tanba kona tiru, halo ka tenta atu halo atake kontra forsa seguransa Israel nian. Isreal-oan 30 no ema estranjeiru rua maka mate.
Tuir Ministériu Negósiu Estranjeiru Israel, iha fulan lima ikus ne’e atakante palestina nian sira koko sona ema 192, halo atake ho kilat 76 no atropelamentu intensionadu 40.
Iha parte seluk, autoridade palestina nian sira garante katak sira-ninia ema besik 36 maka mate iha forsa seguransa nomós kolonu israelita ninia liman tanba halo “ezekusaun estrajudisiál” atu nune’e bele hapara atakante sira.
SAPO TL ho Lusa – Foto: thepresidentpost
Delegadu besik 500 no nasaun membru OCI 49 maka halo parte iha enkontru ne’ebé realiza bazeia ba pedidu Palestina nian, tanba mosu konflitu iha Israel nomós teritóriu seluk ne’eb’e sira okupa ba, desde outubru.
Iha reuniaun ne’e marka mos prezensa hosi reprezentante Quarteto ba Médiu Oriente -- Estadus Unidus, Rúsia, Nasoens Unidas ho Uniaun Europeia – ho Konsellu Seguransa ONU.
Prezidente Indonézia hatudu ninia preokupasaun kona-ba situasaun grave iha rejiaun refere, taba iha fulan lima ikus ne’e hamate ona ema 200 resin.
Nia haktuir mos kona-ba “kastigu koletivu” no medida “unilaterál ho ilegál” hosi Israel, inklui restrisaun hodi tama ba meskita Al-Aqsa Jerusalém, hanesan buat ne’ebé fó sofrimentu ba povu palestina.
"Palestina-oan sira laiha forsa. Situasaun umanitária iha teritóriu ne’ebé okupadu at liu", tenik Widodo, hanesan apelu ida ba unidade.
“Ita tenke hasoru problema ne’e hamutuk. Atu luta, unidade maka importante liu. Ita tenke hamutuk. Palestina tenke iha unidade. Palestina tenke halo rekonsiliasaun”, nia hatutan.
Hein katak iha finál hosi sorumutu refere hakotu ho rezolusaun nomós deklarasaun ida ne’ebé afirma hikas pozisaun hosi nasaun membru OCI, hodi apoia Palestina ninia independénsia.
Desde 1-outubru, palestina-oan 186 maka mate, tersu rua tanba kona tiru, halo ka tenta atu halo atake kontra forsa seguransa Israel nian. Isreal-oan 30 no ema estranjeiru rua maka mate.
Tuir Ministériu Negósiu Estranjeiru Israel, iha fulan lima ikus ne’e atakante palestina nian sira koko sona ema 192, halo atake ho kilat 76 no atropelamentu intensionadu 40.
Iha parte seluk, autoridade palestina nian sira garante katak sira-ninia ema besik 36 maka mate iha forsa seguransa nomós kolonu israelita ninia liman tanba halo “ezekusaun estrajudisiál” atu nune’e bele hapara atakante sira.
SAPO TL ho Lusa – Foto: thepresidentpost