Prezidente Repúblika Taur Matan Ruak, ohin haktuir katak demarkasaun ba fronteira maritima, “asuntu pendente hosi relasaun ho Austrália”, hanesan prioridade nasionál no tenke fó kontribuisaun hodi hametin liu tan relasaun bilaterál.
“Ha’u fi’ar katak ita-ninia povu, durante istória sempre apoia malu, ita-ninia demokrasia rua ne’e, hatene hetan, liu hosi negosiasaun no diálogu, solusaun ne’ebé fó vantajen ba parte rua, maka liu hosi prosesu ida ne’e sei hametin liu tan estabilidade, konfiansa no lideransa rejionál”, dehan xefe Estadu.
“Solusaun hosi dosié ne’e sei hametin liu tan ita-ninia relasaun ho viziñasa no amizade di’ak nomós reforsa konfiansa hosi parte rua”, dehan.
Taur Matan Ruak ko’alia lia hirak ne’e molok oferese almosa ho onra ba governadór jerál Austrália, Peter Cosgrove, ema ne’ebé iha tinan 1999 lidera ona forsa multinasionál hodi estabelese hikas dame iha Timor-Leste hafoin referendu autodeterminasaun nian.
Cosgrove ne’ebé to’o iha Timor-Leste horisehik, sei hala’o enkontru la’os de’it ho xefe Estadu no Governu, maibé sei halo diskursu iha Parlamentu Nasionál nomós hasoru malu ho veteranu sira.
Vizita ne’ebé tuir xefe Estadu hodi komemora “amizade duradoura no estável” entre nasaun no povu rua nian nomós hodi hanoin hokas kona-ba kontributu “desizivu” hosi Cosgrove ba “páz no seguransa timor-oan nian sira”.
Lasu ka relasaun ne’ebé metin ona ba iha istória povu rua nian, tanba “sofre no hasoru dezafiu bot”, inklui durante 2ª Guerra Mundial, bainhira timor-oan sira “sai hanesan vítima” hodi apoia militár indonézia.
Molok bá almosa Estadu, Taur Matan Ruak entrega Grande Colar da Ordem de Timor-Leste ba Cosgrove, kondekorasaun as liu hosi Timór ba ema estranjeiru sira.
“Reflete ba iha rekoñesimentu, ha’u-nian nomós timor-oan hotu nian, ba iha asaun notável hosi vossa eselénsia nomós ninia kontributu pesoál, durante tinan barak, liu-liu ba estabilidade no seguransa Timór no rejiaun ne’e nian, nomós hodi hametin amizade ho konfiansa entre Timor-Leste no Austrália”, nia esplika.
Grande Colar da Ordem de Timor-Leste só fó de’it ba xefe Estadu estranjeiru ne’ebé “halo buat hotu hodi fó benefísiu ba komunidade, nasaun ka ba Umanidade”.
Prezidente Repúblika fó rekoñesimentu ba papel Austrália nian iha tinan 1999 no hahú hosi ne’ebá, maka fó apoia ba setór oioin iha Timor-Leste no ba mos prosesu konstrusaun nasionál ne’ebé la’o hela.
“Interkámbiu kulturál no ekonómika entre povu rua ne’e, barak tebes. Asisténsia hosi Austrália importante no hetan apresiasaun hosi timor-oan sira”, dehan.
“Koperasaun entre Timor-Leste ho Austrália fó ona kontribuisaun hodi hametin liu tan seguransa rejionál. Ami hakarak kontinua hametin no habot tan koperasaun ne’e, hodi promove dezenvolvimentu ekonómika rejionál ne’ebé integradu liu, no sai jeradór ba bemestar populasaun nian”, dehan.
SAPO TL ho Lusa – Foto: Prezidensia Republika Timor-Leste
“Solusaun hosi dosié ne’e sei hametin liu tan ita-ninia relasaun ho viziñasa no amizade di’ak nomós reforsa konfiansa hosi parte rua”, dehan.
Taur Matan Ruak ko’alia lia hirak ne’e molok oferese almosa ho onra ba governadór jerál Austrália, Peter Cosgrove, ema ne’ebé iha tinan 1999 lidera ona forsa multinasionál hodi estabelese hikas dame iha Timor-Leste hafoin referendu autodeterminasaun nian.
Cosgrove ne’ebé to’o iha Timor-Leste horisehik, sei hala’o enkontru la’os de’it ho xefe Estadu no Governu, maibé sei halo diskursu iha Parlamentu Nasionál nomós hasoru malu ho veteranu sira.
Vizita ne’ebé tuir xefe Estadu hodi komemora “amizade duradoura no estável” entre nasaun no povu rua nian nomós hodi hanoin hokas kona-ba kontributu “desizivu” hosi Cosgrove ba “páz no seguransa timor-oan nian sira”.
Lasu ka relasaun ne’ebé metin ona ba iha istória povu rua nian, tanba “sofre no hasoru dezafiu bot”, inklui durante 2ª Guerra Mundial, bainhira timor-oan sira “sai hanesan vítima” hodi apoia militár indonézia.
Molok bá almosa Estadu, Taur Matan Ruak entrega Grande Colar da Ordem de Timor-Leste ba Cosgrove, kondekorasaun as liu hosi Timór ba ema estranjeiru sira.
“Reflete ba iha rekoñesimentu, ha’u-nian nomós timor-oan hotu nian, ba iha asaun notável hosi vossa eselénsia nomós ninia kontributu pesoál, durante tinan barak, liu-liu ba estabilidade no seguransa Timór no rejiaun ne’e nian, nomós hodi hametin amizade ho konfiansa entre Timor-Leste no Austrália”, nia esplika.
Grande Colar da Ordem de Timor-Leste só fó de’it ba xefe Estadu estranjeiru ne’ebé “halo buat hotu hodi fó benefísiu ba komunidade, nasaun ka ba Umanidade”.
Prezidente Repúblika fó rekoñesimentu ba papel Austrália nian iha tinan 1999 no hahú hosi ne’ebá, maka fó apoia ba setór oioin iha Timor-Leste no ba mos prosesu konstrusaun nasionál ne’ebé la’o hela.
“Interkámbiu kulturál no ekonómika entre povu rua ne’e, barak tebes. Asisténsia hosi Austrália importante no hetan apresiasaun hosi timor-oan sira”, dehan.
“Koperasaun entre Timor-Leste ho Austrália fó ona kontribuisaun hodi hametin liu tan seguransa rejionál. Ami hakarak kontinua hametin no habot tan koperasaun ne’e, hodi promove dezenvolvimentu ekonómika rejionál ne’ebé integradu liu, no sai jeradór ba bemestar populasaun nian”, dehan.
SAPO TL ho Lusa – Foto: Prezidensia Republika Timor-Leste