Espesialista José Manuel Cortês, subdiretór-jerál Livru, Arkivu no Biblioteka nian (DGLAB), hatete iha loron-sesta ne’e katak la iha merkadu livru nian, iha nasaun luzófonu balun, esplika la iha sirkulasaun livru no autór sira.
José Manuel Cortês, ne’ebé ko’alia ba ajénsia Lusa iha ámbitu Enkontru Literatura Infanto-Juvenil Luzofonia nian, iha Estoril, indika katak tema kona-ba "sirkulasaun livru no autór nian iha espasu Luzofonia", ne’ebé sei debate iha lokraik ne’e, "kompleksu tebes", tanba "depende ba responsável públiku sira no kooperasaun nasaun sira ne’e nian".
Eis-diretór-jerál Livru, Arkivu no Biblioteka nian, ho tinan 30 resin dedikadu iha setór ne’e, José Manuel Cortês, espesialista nasion’al ida mós iha área livru no leitura, konsidera katak "tenke iha estratéjia ida hodi hamosu livru", iha nasaun hirak ne’e.
Giné-Bisau, Saun Tomé no Prínsipe no Timór iha "kazu piór" la iha merkadu livru nian, tuir fali mak Kabuverde, Mosambike no Angola.
Tuir espesialista sira populasaun sira mak sosa livru menus, índise analfabetizmun aas no la iha ábitu atu lee sai hanesan prinsipál razaun ba "blokeiu" asesu ba livru no, konsekuentemente, la iha autór.
"Karik la iha merkadu livru nian, la iha autór. Tenke luta kontra ida ne’e, liuhosi kooperasaun barak iha Edukasaun, porezemplu. Klaru katak ne’e problema mesak difísil no la rezolve hosi loron ida ba ida, maibé, iha médiu prazu, bele", nia refere.
Iha "luta neineik, prolongada no maka’as", José Manuel Cortês hatete katak iha dalan hodi kria ábitu atu lee, liuhosi "programa no ekipamentu sira ne’ebé fasilita no favorese asesu ba livru, hosi populasaun eskolár".
Responsável ne’e fiar katak nasaun luzófonu sira iha vontade atu muda situasaun ne’e, maibé falta kondisaun impede-sira atu hala’o no, iha ámbitu ne’e, nia subliña, "Portugál bele fó apoiu".
"Presiza haree ba buat ne’ebé importante liu no buka atu kombate situasaun ne’e. Ha’u fiar katak iha vontade, maibé problema ne’e mós iha relasaun ho kondisaun no, iha ne’e, Portugál bele iha papél interventivu, maski iha hela situasaun krize. Dala balun la presiza de’it apoiu finanseiru, bele mós tékniku", nia hatutan.
Enkontru Literatura Infanto-Juvenil Luzofonia nian, mak promove hosi Fundasaun "O Século", komesa iha loron-segunda, ho eskritór sira bá iha eskola sira iha rejiaun Lisboa nian, sei la’o to’o sábadu ho debate sira, ofisina hakerek nian, konta no sesaun kontu sira-nian.
Entre konvidadu sira iha autór sira mak hanesan Marina Colasanti (Brazil), Olinda Beja (Saun Tomé no Prínsipe), Maria Celestina Fernandes (Angola) no portugés sira hanesan Margarida Fonseca Santos, Luísa Ducla Soares, José António Gomes, António Mota, Mário de Carvalho, Afonso Cruz, André da Loba no Rachel Caiano.
Sirkulasaun livru iha espasu luzófonu, relasaun entre imajen no testu, aprende atu gosta lee no servisu biblioteka eskolár mak tema sira ne’ebé sei diskute iha enkontru ne’e.
SAPO TL ho Lusa
Eis-diretór-jerál Livru, Arkivu no Biblioteka nian, ho tinan 30 resin dedikadu iha setór ne’e, José Manuel Cortês, espesialista nasion’al ida mós iha área livru no leitura, konsidera katak "tenke iha estratéjia ida hodi hamosu livru", iha nasaun hirak ne’e.
Giné-Bisau, Saun Tomé no Prínsipe no Timór iha "kazu piór" la iha merkadu livru nian, tuir fali mak Kabuverde, Mosambike no Angola.
Tuir espesialista sira populasaun sira mak sosa livru menus, índise analfabetizmun aas no la iha ábitu atu lee sai hanesan prinsipál razaun ba "blokeiu" asesu ba livru no, konsekuentemente, la iha autór.
"Karik la iha merkadu livru nian, la iha autór. Tenke luta kontra ida ne’e, liuhosi kooperasaun barak iha Edukasaun, porezemplu. Klaru katak ne’e problema mesak difísil no la rezolve hosi loron ida ba ida, maibé, iha médiu prazu, bele", nia refere.
Iha "luta neineik, prolongada no maka’as", José Manuel Cortês hatete katak iha dalan hodi kria ábitu atu lee, liuhosi "programa no ekipamentu sira ne’ebé fasilita no favorese asesu ba livru, hosi populasaun eskolár".
Responsável ne’e fiar katak nasaun luzófonu sira iha vontade atu muda situasaun ne’e, maibé falta kondisaun impede-sira atu hala’o no, iha ámbitu ne’e, nia subliña, "Portugál bele fó apoiu".
"Presiza haree ba buat ne’ebé importante liu no buka atu kombate situasaun ne’e. Ha’u fiar katak iha vontade, maibé problema ne’e mós iha relasaun ho kondisaun no, iha ne’e, Portugál bele iha papél interventivu, maski iha hela situasaun krize. Dala balun la presiza de’it apoiu finanseiru, bele mós tékniku", nia hatutan.
Enkontru Literatura Infanto-Juvenil Luzofonia nian, mak promove hosi Fundasaun "O Século", komesa iha loron-segunda, ho eskritór sira bá iha eskola sira iha rejiaun Lisboa nian, sei la’o to’o sábadu ho debate sira, ofisina hakerek nian, konta no sesaun kontu sira-nian.
Entre konvidadu sira iha autór sira mak hanesan Marina Colasanti (Brazil), Olinda Beja (Saun Tomé no Prínsipe), Maria Celestina Fernandes (Angola) no portugés sira hanesan Margarida Fonseca Santos, Luísa Ducla Soares, José António Gomes, António Mota, Mário de Carvalho, Afonso Cruz, André da Loba no Rachel Caiano.
Sirkulasaun livru iha espasu luzófonu, relasaun entre imajen no testu, aprende atu gosta lee no servisu biblioteka eskolár mak tema sira ne’ebé sei diskute iha enkontru ne’e.
SAPO TL ho Lusa