Kriasaun hosi instituisaun finanseiru ida hanesan "xave" ba dezenvolvimentu hosi forsa ekonómiku CPLP nian, bele tulun nasaun luzófonu sira maibé mós aposta iha merkadu sira ASEAN nian, fraku iha finansiamentu, hatete hosi dirijente timoroan Xanana Gusmão iha loron-sesta.
"Ba ha'u, xave maka definisaun hosi instituisaun finanseiru ida. Ne'e hanesan xave. Ita bele iha iluzaun barak, liña mestra sira hosi prioridade sira, maibé lahó instituisaun finanseiru ida ita sei haruka e-mail sira ba malu", afirma hosi ministru Planeamentu no Investimentu Estratéjiku timoroan nian.
"Ha'u fiar katak ne'e ba ema hotu nia di'ak, ba CPLP, bainhira ita harii, ita halo buat ruma ne'ebé dinamiza setór privadu, ba CPLP bele harii nia bandeira iha nasaun barak", nia hatutan.
Xanana Gusmão diriji ona ba plateia ida ne'ebé formadu liuliu hosi emprezáriu sira hosi nasaun 20 resin hosi nasaun sira ne'ebé marka prezensa iha Díli hodi partisipa, iha semana ne'e, iha Fórum Ekonómiku Globál dahuluk CPLP nian.
Nia refere ba esforsu sira hodi hametin vertente ekonómiku no komersiál hosi komunidade - prioridade prinsipál hosi atuál prezidénsia timoroan CPLP nian - Xanana Gusmão destaka ona finansiamentu no sinerjia sira entre empreza sira hanesan aspetu importante sira.
"Kestaun boot ida maka instituisaun finanseiru. Hanesan ne'e maka tenki halo. Maibé koperasaun sira ne'ebé bele mosu hosi setór privadu hosi nasaun sira seluk hanesan insentivu hodi hahú avansa no aumenta", nia hatete.
Kona-bá finansiamentu, Xanana Gusmão fó hanoin katak nasaun sira hosi Asosiasaun Nasaun sira hosi Sudeste Aziátiku (ASEAN) - ne'ebé Timor-Leste hakarak halo parte - "presiza finansiamentu ba sira nia infraestrutura sira".
"Tansá maka la'ós Timor-Leste, hanesan membru hosi CPLP, sai hanesan plataforma ne'e, fonte ne'e, hodi tulun investimentu? Labele haree ba Timór hanesan destinu ida hodi simu, maibé hanesan ponte ida hodi ba Pasífiku, ba illa sira hosi Pasífiku. Timor-Leste bele sai hanesan guia ida ba empreza sira hosi CPLP hodi bele tama iha ASEAN", nia hatete.
"Iha potensiál maka'as atu esplora. Oportunidade sira ne'ebé husu daudaun imi nia "know-how", imi nia esperiénsia. Falta de'it xave. Imi ko'alia, hafoin ne'e hetan solusaun, ideia no planu di'ak sira hodi muda sosiedade", nia afirma.
Xanana Gusmão hatete katak hanesan hametin "koperasaun rejionál no inter-rejionál", insisti iha koperasaun ekonómiku hodi fó "liu atensaun ba dezenvolvimentu hosi nasaun sira luzófonu nian".
"Dezigualdade entre nasaun sira CPLP nian tenki hetan atensaun no tenki sai hanesan preokupasaun hosi ita hotu nian", nia hatete no konsidera katak "potensialidade boot sira hosi nasaun sira CPLP nian ne'ebé seidauk esplora".
SAPO TL ho Lusa – Foto: O ministro do Planeamento e Investimento Estratégico timorense, Xanana Gusmão, discursa no 1.º Fórum Económico Global da CPLP, em Díli, Timor-Leste, 26 de fevereiro de 2016. EPA@ Bernardino Soares