DILI - Mensazen Estadu Prezidente Republika Taur Matan Ruak neebe halao iha Parlamentu Nasional (PN) hanesan mensazen edukasaun sivika ba ukun nain no politiku sira, hodi tetu kuandu foti desizaun.
Tuir Vice Prezidente PN Adriano Nacimento katak mesazen nee importante atu halo relfesaun ba ukun nian hotu-hotu iha Parlamentu, Governu no Timor oan hotu halo leflesaun konaba prosesu tomak hahu husi ukan aan mai too ohin loron.
Hau hanoin mensazen nee importante nunee mos sai edukasaun sivika ba ita hotu atu hola desizaun ida neebe mak iha ninia sensibilidade sosial politika no legal,” dehan Adriano ba STL Sesta (26/02/2016) iha PN.
Nia hatete Prezidente nia preokupasaun no pontu kritikas konaba lalaok ukun nian, ukun nee laos prezidente deit no governu deit maibe Parlamentu ema hotu-hotu nian.
Nia hatete Parlamentu hola asaun iha kontestu debate programa dezemvolvimentu orsamentu Annual tinan oin, nunee mos ba membru governu hodi hare no tetu hodi aplika iha politika atu halo programa orsamentu ba tinan nian.
Iha parte seluk Peskizador Lao Hamutuk Juvinal Dias hateten menzasaen Prezidente nee menzasen importante, neduni sira husu orgaun sira seluk tenki simu mensazen ida nee, hanesan parte ida chek and balance ba dezenvovimentu TL nia. Informasaun kompletu iha STL jornal no STL Web, edisaun Sabado (27/2/2016). Timotio Gusmao
Suara Timor Lorosae