DILI – Prezidente Partidu Fretilin Fransisco Guteres Lu Olo husu Prezidente Republika Taur Matan Ruak, atu labele sai fali opozisaun ba govenru relasiona ho nomeasaun Brigadeiru Jeneral Filomeno Paixao ba pozisaun Maijor Jeneral F-FDTL.
Deklarasaun nee fo sai husi, Fransisco Guteres Lu Olo, ba jornalista sira iha Centru Convensaun Dili (CCD) Kinta (25/02/2016).
Kestaun ida nee sai tiha fali polemika, Prezidente da Republika labele sai fali opozisaun no tuir lolos nee labele iha polemika tanba governu aprejenta proposta hafoin prezidente bele nomeia, proposta de nomeasaun no proposta ejonerasaun nee tenke mai husi governu agora governu kumpri ida nee maibe Prezidente da Republika hola fali desijaun ida neebe la tuir proposta neebe governu fo ba hodi halo fali ejonerasaun ba Maijor Jeneral Lere hodi nomeia fali Sr. Filomeno Paixao,” hatete Lu Olo.
Nia hatutan tuir Konstitusaun Republika artigu 86 hatete klaru ona katak proposta nomeasaun no proposta ejonerasaun tenke mai husi governu nee signifika katak so governu mak bele hola inisiativa no Prezidente Republika mos iha ninia kompetensia para atu kompleta proposta governu nian, maibe laos sai fali opozisaun ba governu.
Laos nee deit eis gerileiru nee mos hatutan tan katak oras nee dadaun Prezidente da Republika ho Governu kontinua mantein ida-ida nia pozisaun tanba nee dalan diak liu atu buka solusaun mak polemika nee mak lori ba Tribunal Rekursu atu rejolve problema ida nee ho los.
Iha fatin hanesan Observador Politiku husi akademia UNTL, Fransisco Leite, mos hatete problema nee halo ema hotu sai konfujaun tanba mosu ona pro no kontra tanba nee tuir nia katak dalan diak liu atu iha solusaun ba problema nee mak lori ba Tribunal rekursu. Informasaun kompletu iha STL jornal no STL Web, edisaun Sesta (26/2/2016). Thomas Sanches
Suara Timor Lorosae