Iha loron-kuarta ne'e governu timoroan halo reuniaun estraordináriu hodi aprova interpozisaun hosi rekursu duvidozu ida hodi anula desizaun hosi Prezidente, Taur Matan Ruak, hodi demiti xefe hosi forsa defeza nian, hatete hosi fonte Ezekutivu ba Lusa.
Tuir fonte, rekursu abranje desizaun hosi demisaun hosi xefe Estadu-Maior Jenerál Forsa Armada sira nian (CEMGFA), major-jeneral Lere Anan Timur, no nomeia brigadeira-jenerál Filomeno da Paixão de Jesus nu'udar susesór.
Iha nia desizaun, Governu invoka númeru 4 hosi artigu 129 Konstituisaun, ne'ebé konfere ba Tribunál Superiór, Administrativu, Fiskal no Kontas nian - funsaun ne'ebé asumi iha Timor-Leste hosi Tribunál Rekursu - bhodi bele julga, no halo atividade sira seluk, "rekursu sira duvidozu interpostu hosi desizaun sira hosi órgaun Estadu sira no hosi ajente sira".
Reuniaun iha loron-kuarta ne'e hosi Konsellu Ministru hala'o loron ida antes Prezidente Repúblika, Taur Matan Ruak, halo deklarasaun ida, ho nia pedidu, iha Parlamentu Nasionál, no buat hotu hatudu katak deklarasaun ne'e sei ko'alia kona-bá polémika ne'e.
Timor-Leste hasoru hela krizi polítiku ida kona-bá desizaun hosi xefe Esadu kona-bá komando hosi forsa defeza (F-FDTL) nian ne'ebé la tuir proposta hosi Governu ne'ebé defende renovasaun ba mandatu Lere Anan Timur nian.
Kazu ne'e hamosu kontornu polítiku sira ho forsa parlamentár estuda prosesu ida hasoru Prezidente Repúblika tanba violasaun hosi nia obrigasaun konstitusionál sira ne'ebé, bainhira avansa, bele halo demisaun Taur Matan Ruak nian.
Atu prosesu ne'e bele avansa falta de'it atu publika iha Jornal Repúblika dekretu prezidensiál 3/2016, ho loron 09 Fevereiru, ne'ebé Taur Matan Ruak konfirma nia desizaun.
Dekretu ne'e haruka ona ba publikasaun hosi Prezidénsia Repúblika maibé publikasaun ne'e hetan suspensu, nune'e seidauk hala'o ida.
SAPO TL ho Lusa