Iha enseramentu VIII Reuniaun Mnistru Turismu da CPLP, iha loron 17/7/2015, Ministru Turismu, Artes e Cultura, Francisco Kalbuady Lay, liu husi konferensia imprensa iha sala VIP CCD-Pavilaun II, informa ba jornalista sira katak “iha VIII Reuniaun Mnistru Turismu da CPLP, iha duni rejultadu ida mak bolu Deklarasaun Dili, deklarasaun ne’e prinsipalmente hotu hotu iha opiniaun ida katak CPLP hamutuk iha future hanoin turismu ne’e, setor ida importante iha nasaun iha mundu tomak liu liu ba familia CPLP ninian”.
Hafoin de konferensia imprensa, iha fatin hanesan Ministru du Estadu Koordenador Asuntu Ekonomia, Estanislau da Silva, ba jornalista sira, haktuir katak “Turismu ne’e importante, tamba turismu ne’e hanesan pilar ida ba reforma ekonomika, ne’ebe ohin loron ami aprejenta, Gabinete koordenasaun aprejenta tiha ona iha komisaun interministerial, e antes de fulan ne’e remata, ami sei halo aprejentasaun ba Konselho Minstru para halo aprovasaun, maibe ami agora mos halo tiha sirkulasaun ba Ministeriu hotu hotu para fo sira nia komentariu”.
Ministru du Estadu Koordenador Asuntu Ekonomia ne’e hatutantan akatak “iha programa reforma e fomento ekonomiku, ne’ebe ami aprejenta ne’e, iha pilar ka airin lima, ida mak mina rai no gas, agrikultura, peskas, turismu e idatan mak industria de manufaturea, airin lima ne’e mak sei kaer ita nia reforma ekonomia no ekonomia rai laran ne’e bele lao e longgu praju”.
Maske nune’e tuir Ministru Estanislau katak “ita nia rekursu sidauk sufsiente, ita sei iha difikulidade barak, persija kapasita ita nia ema liutan”.
Ministru Estanisalu mos akresenta katak “Pontu importante iha reuniaun ne’e ba hau, parlende kooperasaun ne’ebe sei halo ho estadu CPLP nian, buat ida importante iha reuniaun ne’e mak halo reafirmasaun, halo oinsa mak estadu membru sira halo servisu para bele hare kona ba sirkulasaun sidadaun CPLP sira nian para labele iha retrusoins vistu no sira seluktan”.
Rádio Liberdade Dili - Maria Bibel