Governu Timór kria daudaun baze hodi ajuda hametin setór privadu no diversifika ekonomia nasionál nomós bele hetan benefísiu hosi ezemplu CPLP hodi hametin liu tan estratéjia refere, tenik ministru Kordenadór ba Asuntu Ekonómika, Estanislau da Silva.
“Governu halo ona esforsu hodi hametin ita-ninia sistema fiskál, diversifika reseita nomós halo reforma ekonómika atu apoia setór privadu no halakon obstákulu hirak ne’ebé trava kresimentu”, tenik Estanislau da Silva.
“Hein katak to’o 2017 bele kria ona baze fundamentál hodi hametin setór privadu, diversifika ekonomia no avansa ho setór hanesan agrikultura no peska, turismu ka indústria manufatura ne’ebé atu esplora daudaun”, dehan.
Kona-ba ne’e ministru Agrikultura no Peska esplika katak Timor-Leste bele hetan benefísiu hosi ezemplu parseiru CPLP nian “hodi fahe ideia no esperiénsia hirak ne’ebé bele ajuda atu hametin koperasaun ba iha área komérsiu internu ho esternu, nian hodi ema hotu hetan ninia benefísiu”.
“Hein katak to’o 2017 bele kria ona baze fundamentál hodi hametin setór privadu, diversifika ekonomia no avansa ho setór hanesan agrikultura no peska, turismu ka indústria manufatura ne’ebé atu esplora daudaun”, dehan.
Kona-ba ne’e ministru Agrikultura no Peska esplika katak Timor-Leste bele hetan benefísiu hosi ezemplu parseiru CPLP nian “hodi fahe ideia no esperiénsia hirak ne’ebé bele ajuda atu hametin koperasaun ba iha área komérsiu internu ho esternu, nian hodi ema hotu hetan ninia benefísiu”.
Estanislau da Silva, ministru Estadu Kordenadór ba Asuntu Ekonómika no ministru Agrikultura ho Peska ko’alia lia hirak ne’e durante 2.ª reuniaun entre ministru Komérsiu hosi Komunidade Nasaun Lian Portugés ne’ebé hala’o iha Dili.
Sorumutu ministeriál ne’e, hanesan reuniaun dahuluk molok 1.º Fórum Ekonómika Globál luzófona ne’ebé halibur emprezáriu no delegadu hosi nasaun 20 resin.
Sorumutu ministeriál ne’e, hanesan reuniaun dahuluk molok 1.º Fórum Ekonómika Globál luzófona ne’ebé halibur emprezáriu no delegadu hosi nasaun 20 resin.
Estanislau da Silva rekoñese kona-ba dezafiu ne’ebé iha no situasaun komplexa hosi ambiente ekonómika globál, no konsidera katak Governu hakarak halo Timor-Leste sai nu’udar fatin ne’ebé atrativu liu ba iha investimentu diretu.
Ministru ne’e husu ba partisipante CPLP nian atu aproveita Timor-Leste no ninia pozisaun jeográfika hodi hetan benefísiu hosi potensialidade ekonómika no komersiál Ázia no Pasífika, “rejiaun ida ne’ebé mos dinámika iha mundu”.
“Importante liu maka ita konsege adapta ba ezisénsia hosi merkadu globalizadu liu hosi ninia forma oioin no halo parte hosi fluxu no troka komersiál globál”, dehan.
SAPO TL ho Lusa
Ministru ne’e husu ba partisipante CPLP nian atu aproveita Timor-Leste no ninia pozisaun jeográfika hodi hetan benefísiu hosi potensialidade ekonómika no komersiál Ázia no Pasífika, “rejiaun ida ne’ebé mos dinámika iha mundu”.
“Importante liu maka ita konsege adapta ba ezisénsia hosi merkadu globalizadu liu hosi ninia forma oioin no halo parte hosi fluxu no troka komersiál globál”, dehan.
SAPO TL ho Lusa