DILI - Atu rezolve polemika iha publiku konaba nomeasaun Major Jeneral foun iha institusaun Falintil Forsa Defeza Timor Leste (F-FDTL), uniku solusaun mak dialogu husi parte Prezidensia Republika, Governu no Parlamentu Nasional (PN).
Tuir Deputadu Bankada Fretilin Manuel Castro katak polemika neebe akontese entre lideransa tuan sira maske Parlamentu levanta tiha ona, maibe dalan diak atu rezolve polemika iha publiku hodi fo presilensia diak ba futuru mak dialogu.
Atu labele fo implika ba Jerasaun tuir mai mak hau hanoin dalan diak liu dialogu, tan nee husu Prezidente Republika, governu inkliu Parlamentu tenki involve iha laran no orgaun soberania haat nee tur hamutuk dialogu hodi rezolve,” dehan Manuel ba Jornalista, Sesta (19/02/2016) iha PN.
Nia hatete atu labele fo impaktu ba jerasaun tuir mai bele halo tuir buat neebe mak lideransa tuan sira halo, tamba jerasaun tuan sira sempre hatete jerasau foun atu tuir sira, tan nee tenki kumpri sira nia liafuan no hatudu ezemplu diak.
Iha fatin hanesan Deputadu Bankada CNRT Arao Noe hatete nia parte lakohi fo komentariu tamba nomeasaun nee agora iha hela prosesu, kuandu fo komentariu bele provoka opiniaun publiku oin-oin. Informasaun kompletu iha STL Jornal no STL Web, edisaun Sabado (20/2/2016). Timotio Gusmao
Suara Timor Lorosae