DILI - Kada tinan aloka osan ba Ministeriu atu responde nesesidade no preokupasaun povu nian, maibe Ministru sira neebe halao knar tauk asumi responsabilidade ba desizaun neebe sira foti susar rezolve prekupasaun povu nian.
Tuir Deputadu Bankada Fretilin Joaquim dos Santos katak organismu sira neebe pertense iha governu liu-liu ministeriu sira, gestaun mak ladiak laos osan laiha no lato maibe atu gasta osan mak sira la brani.
Ministeru sira tauk responsabiliza ba sira nia desizaun tamba sira la halo prevensaun antisipada molok halo desizaun, nee ita susar atu rezolve preokupasaun povu nian iha baze,” dehan Joaquim ba Jornalista, Kinta (18/02/2016) iha PN.
Nia hatete kada semana deputadu sira hatoo preokupasaun povu nia kuaze hanesan deit maibe governu nunka foti medida politika, tamba gestaun fraku no tauk foti medidas ba problema neebe mak povu hasoru.
Iha fatin hanesan Vise Prezidente PN Adriano Nacimento hatete kondisaun estrada ladiak, povu mate tamba ambulansia laiha nee tenki preokupa tamba vida ema nian.
Nunee mos deputadu Bankada CNRT Cesar Valente hatete, prekupasan no problema neebe mak povu hasoru iha baze kada semana deputadu sira sempre hatoo, liu husi sesaun plenaria maibe governu larona nee susar tebes atu rezolve. Informasaun kompletu iha STL Jornal no STL Web, edisaun Sesta (19/2/2016). Timotio Gusmao
Suara Timor Lorosae