Autoridade sira Indonézia nian deklara ona estadu emerjénsia iha provínsia tolu hosi illa Sumatra nian tanba inundasaun sira ne'ebé tinan ne'e halo ona ema na'in 43 mate no obriga ona deslokasaun hosi ema rihun 100, haktuir hosi imprensa lokál.
Zona sira ne'ebé afetadu liu maka provínsia Riau, Sumatra Osidental no Bangka Belitung, afetadu hosi udan maka'as iha semana hirak ikus ne'e, haktuir hosi porta-vós Ajénsia ba Jestaun Dezastre sira nian, Sutopo Purwo Nugroho, ne'ebé haktuir hosi jornál The Straits Times.
Iha Riau, pelumenus ema na'in 40.000 tenki sai hosi sira nia uma tanba mota nia nível ne'ebé aumenta, no inunda ona uma atus resin no pelumenus ema na'in rua mate tanba mout.
Inundasaun no rai-monu sira afeta Indonézia tinan-tinan, durante époka udan nain, ne'ebé nia pontu aas liu entre Dezembru no Fevereiru.
Insidente aat liu akontese iha semana liubá iha Java Sentrál, bainhira ema na'in hitu mate tanba rai-monu no taka metin vítima sira ne'e nia uma.
SAPO TL ho Lusa