DILI - Sestu Governu Konstitusional husu Parlamentu Nasional (PN) atu aprezenta Membru Konsellu Imprensa, neebe reprezenta Parlamentu Nasional tamba membru Konseilu Imprensa neebe reprezenta Jornalista no nain ba media iha ona.
Tuir Sekretariu Estadu Asuntu Parlamentar Maria Terezinha Viegas katak Membru Konseilu Imprensa husi jornalista no nain ba media iha ona, tan nee husu Parlamentu Nasional ninian atu aprezenta mos membru konseilu Imprensa.
Hau husu ba deputadu sira iha Parlamentu Nasional atu aprezenta mos membru neebe mak tur iha Konseilu Imprensa, tamba ita hein kleur ona maibe reprezentante husi Jornalista no nain ba media iha ona falta tan nain rua husi parlamentu ninian,” dehan Maria Terezinha liu husi Sesaun Plenaria, Tersa (09/02/2016) iha PN.
Nia hatete membru ba Konseilu Imprensa falta deit husi Parlamentu Nasional, hein katak iha tempu badak Parlamentu mos sei aprezenta membru konseilu Imprensa neebe reprezenta PN hodi tur iha konseilu Imprensa.
Iha fatin hanesan Vice prezidente PN Adriano Nacimento hatete Parlamentu tenki halo lalais membru konseilu Imprensa husi Parlamentu nian tamba governu nian iha ona.
Nunee mos Vice Prezidente Komisaun A Parlamentu Nasional Arao Noe katak kandidatura PN ba Konseilu Imprensa hatudu funsionamentu Parlamentu nian lentu liu, tuir lolos lei nee tama ona envigor. Informasaun kompletu iha STL Jornal no STL Web, edisaun Kinta (11/2/2016). Timotio Gusmao
Suara Timor Lorosae