DILI - Prosesu Prozetu tasi mane agora sai polemika, tamba sei pendenti hela iha Tribunal de Contas, maibe Prezidente Interinu Tribunal Recursu Natercia Gusmao la kohi koalia konba asuntu nee, tamba tuir Juiz nia estatutu la bele koalia konaba prosesu estadu.
Lia hirak nee hatoo husi Prezidente Interina Tribunal Recursu Natercia Gusmao, ba Jornalista sira, hafoin remata enkontru ho Prezidente Republika Taur Matan Ruak, iha Palasiu Prezidensial, Nicolau Lobato, Aitarak Laran, Dili, Segunda (08/02/2016).
Konaba Prozetu Tasi Mane nia nee ami la koalia, tamba nee prosesu, neduni ida nee Prezidente nein husu no hau mos nein koalia, nee la bele koalia. Hau la bele koalia konaba ida nee, tamba hau Juiza, Juiz tra proividu para koalia konaba prosesu neebe pendenti hela nee desididu tiha ona ou futuru sei tama iha Tribunal, Juiz tuir ami nia estatutu la bele koalia konaba estadu prosesu kualker,” hateten Natercia.
Iha parte seluk Pekizador Lao hamutuk Juvinal Dias hateten Tribunal de Contas fo akordaun katak, kontratu Hyundai ba Suplly Base nee ilegal, neduni la iha dalan ba governu atu implementa Prozetu nee.
Nune mos Prezidente Konsellu Konsultativu Fundu Petroliferu Mericio Akara hateten prezidente Republika promulga ona Orsamentu Jeral Estadu 2016, maibe konaba prozetu tasi mane nee sei hein dezisaun husi Tribunal, se la iha desizaun legal prozetu nee la bele implementa. Informasaun kompletu iha STL Jornal no STL Web, edisaun Tersa (9/2/2016). Joao Anibal
Suara Timor Lorosae