Estudantes Eskola Ensinu Bazikú Central Farol, Dili, barak obrigatoriu tuir prosesu aprendizxazen tuur iha rai tanba fasilidades la sufisientes.
Iha aula balun mos estudantes nain tolu to’o lima tuur iha kadeira ho meja ida deit. Balun fali tenke tuur habit malu no hiti malu para tuir prosesu aprendizazen tanba estudantes barak liu. Sala ida tau estudantes liu nain 50.
Tuir Sirkular ne’ebe hasai husi Ministeriu Edukasaun iha Dezembru 2015, katak iha aula ida bele akomoda ema minimu nain 40 to’o 50, maibe iha EBC Farol, aula ida tau estudantes entre nain 76 to’o 115.
Informasaun ne’ebe JNDiario rekolha husi estudantes sira iha EBC Farol katak, sira la’os infrenta deit falta kadeira ho meja, maibe movimentu iha aula laran mos intupidu oituan, tanba tenke tuur aperta malu no balun la bele konsentra simu materia aprendizazen tanba ema barak liu no barulhu.
Estudante 7° ano eziste iha sala hamutuk 6 kada kalsse 1 ense estudante hamutuk 100 ba to’o 115, estudante, klasse 8° ano eziste sala 5 klasse balun ense 90 estudante , klasse 9° ano eziste mos klase 5 klasse balun iha total 76 no balun iha total 86 estudante, no klasse sira ne’ebe sita iha leten maioria estudante sira tuur deit iha rai no hamriik maka tuir prosesu aprendizazen iha aula laran. Durante oras 5 nia laran.
“Ami nia klasse hamutuk estudante nain 115, durante ne’e ami simu materia diak hela mas barullu maka barak los tanba ema barak. Balun tenki tuur iha rai tanba fatin la to’o,” hateten estuidantes ida iha EBC Farol, Kuarta (27/01/2016).
Nia hatutan katak sira sente diak hela bainhira tuir aula aprendizazen, maibe susar liu maka atu organiza estudante iha sala laran tanba barak demais i kolia la rona malu.
Estudante seluk husi klasse 8° ano mos hateten, nia klasse laran mos eziste alunus barak ho total hamutuk 90, estudante sira ne’e estuda diak mos balun maka baruk atu estuda no hakerek tanba impaktu husi menus fasilidade hanesan kadeira no meja.Entretantu inan aman husi estudante sira mos lamenta ho sistema ne’ebe eziste iha eskola Ensinu Bazikú Central Farol tanba ense estudante barak maka tau hamutuk iha klasse ida, oinsa estudante sira estuda ho diak i bele akapta lalais seraque fatin ba sira atu tuur hodi tuir materia limitadu liu.
“ami nia oan sira estuda la diak i bele bele sai beik tan deit tanba labarik iha sala 1 ense 100 ho balun nee estuda hanusa , i pior liu maka mestre sira simu tan estudante transferensia husi eskola seluk mai tama iha EBC Farol, sira la hare katak eskola ne’e estudante barak liu tiha ona sira halimar simu deit , too ikus maka mosu sai hanesan ne’e labarik barak tenki ser hamriik no balun tuur iha rai maka simu materia hanesan los eskola ne’e eziste loos iha area rural ne’eba ga, afinal eskola refere iha tiha kapital laran,” hateten reprezentante inan-aman.
Nia husu ba Ministeriu Edukasaun (ME) atu toma atensaun ba eskola refere tanba eskola refere kontra ona Sirkular Ministeriu Edukasaun nian hodi akomoda alunus sira liu ema nain 40 iha kada klasse laran. lj2
Jornal Nacional